“Sosial İnkişafda Yeni Mərhələ” İctimai Birliyi Qazax rayonunda tədbirlər keçirib
Aprelin 7-si QHT-lərə Dövlət Dəstəyi Agentliyinin maliyyə yardımı
ilə "Sosial İnkişafda Yeni Mərhələ” İctimai Birliyi tərəfindən "Maariflənək və
insan alverinin qurbanı olmayaq!” adlı layihə çərçivəsində Qazax rayonunda tədbirlər
keçirilib. Bakı Dövlət
Universitetinin Qazax filialı və Qazax Dövlət Sosial–İqtisadi Kollecində
keçirilən tədbirlərdə öncə layihənin adı və ictimai birlik təqdim edilib. Layihə rəhbəri
Seymur Əzəmmədov bildirib ki, insan alveri cinayətlərindən hər il dünyada 32 milyard dollar gəlir əldə
edilir. Problem yaradan məsələlərdən biri də odur ki, bu cinayətlər ölkələrin
qanunvericiliyinə görə, fahişəlik, qaçaqmalçılıq, iqtisadi cinayətkarlıq,
saxtakarlıq adları altında aparılır. Bu isə insan alveri sahəsində qurbanları
aşkar edib onlara yardım göstərilməsinə mane olur. İnsan alveri həmişə
transmilli formada baş vermir. Bu, adicə ev qulluğu sahəsində məcburi əməyə cəlbetmə
formasında da baş verir. Ona görə də insan alveri məsələsi çox geniş müzakirə
olunmalıdır. Daha sonra təlimçi də öz növbəsində
tələbələrə layihənin aktuallığı, məqsəd və vəzifələri haqqında geniş məlumat
verib. Sonda hər bir
tədbir iştirakçısına layihə çərçivəsində hazırlanmış buklet, flayer, dəftərxana
ləvazimatları və üzərində QHT-lərə Dövlət Dəstəyi Agentliyinin loqosu və
"Sosial İnkişafda Yeni Mərhələ” İctimai Birliyin loqosu olan papaq və köynəklərpaylanlıb.
GOYEZEN.AZ
Facebook-da paylaş