BDU-nun Qazax filialının tələbələri respublika turunda iştirak edəcəkdir
Azərbaycan xalqının Ümummilli Lideri Heydər Əliyevin anadan olmasının
99-cu ildönümü ilə əlaqədar Təhsil Nazirliyinin ali təhsil müəssisələrinin tələbələri
arasında bədii yaradıcılıq müsabiqəsi festivalı keçirilir. Müsabiqənin birinci
mərhələsi Bakı Dövlət Universitetinin Qazax filialında keçirilib. Tələbələrdən Asif
Şirinov, Xaqan Qurbanov, Şəbnəm Əkbərova, Qənirə Musayeva və Natiq Şahüseynov
ayrı-ayrı nominasiyalar üzrə qalib olaraq ikinci turda iştirak etmək hüququ
qazanıblar. Festivalın Gəncə şəhərində
keçirilən II mərhələsində ilk mərhələnin qalibləri olan tələbələr iştirak ediblər. Gənclər respublikanın
Xalq artisti Mübariz Tağıyev, Əməkdar incəsənət xadimi, şair Baba Vəziroğlu və
tanınmış müğənni Samir Nəcəflinin üzv olduqları münsiflər heyətinin qarşısında
öz istedadlarını yüksək səviyyədə nümayiş etdiriblər. Filialın Azərbaycan dili
və ədəbiyyatı ixtisasının IV və I kurs tələbələri - Qənirə Musayeva və Natiq
Şahüseynov həmyaşıdları arasında fərqlənərək yaradıcılıq müsabiqəsi
festivalının Bakıda keçiriləcək respublika turunda iştirak etmək hüququ qazanıblar.
BDU-nun Qazax
filialının Mətbuat Xidməti
Facebook-da paylaş