BDU-nun Qazax filialında məlumatlandırma sessiyası keçirilib
Bakı Dövlət
Universitetinin Qazax filialında Regional İnkişaf İctimai Birliyi (RİİB) məlumatlandırma
sessiyası keçirib.
Filialın akt
zalında təşkil olunmuş sessiyada filialın tələbələri və Qazax Dövlət
Sosial-İqtisad Kollecindən olan gənclər iştirak edib.
BDU Qazax
filialının direktoru Arif Rüstəmov tədbiri giriş sözü ilə açaraq sessiyanın
işinə uğurlar arzulayıb.
Regional İnkişaf
İctimai Birliyinin Gəncə-Qazax regionu üzrə əməkdaşı Aydın Budaqov çıxış edərək Heydər Əliyev Fondu tərəfindən yaradılmış RİİB
haqqında məlumat verib. A.Budaqov keçirilən tədbirin məqsəd və əhəmiyyətindən
danışaraq tələbələri birliyin işində fəal iştirak etməyə çağırıb. RİİB-nin könüllü
kuratoru, filialın Tələbə Gənclər Təşkilatının sədri Pəri İbrahimova tədbirdə
çıxış edərək RİİB-nin fəaliyyət göstərdiyi 3 istiqamət – İctimai nəzarət,
könüllü proqramları, layihələr və tədbirlər haqqında danışıb, könüllü necə
olmalıdır, könüllüllər akademiyası barədə iştirakçılara məlumat verib.
Tədbirdə hesabat və
könüllülərdən ibarət hazırlanan Himn barədə videoçarxlar nümayiş etdirilib.
Sonda birliyə üzv
olmaq istəyən gənclərə anketlər verilib və onlardan fərdi qaydada müsahibələr
götürülüb.
BDU Qazax filialının Mətbuat Xidməti
Facebook-da paylaş