BDU-nun Qazax filialında 1 Mart – Ümumdünya Mülki Müdafiə Günü ilə əlaqədar tədbir keçirilib
Bakı Dövlət Universitetinin
Qazax filialında 1 Mart - Ümumdünya Mülki Müdafiə Günü ilə əlaqədar tədbir
keçirilib. Qazax Rayon İcra
Hakimiyyəti başçısının imzaladığı 22.02.2022-ci il tarixli Tədbirlər Planına uyğun
olaraq keçirilən tədbirdə filialın professor-müəllim heyəti, tələbələr iştirak
edib.
Filialın direktoru
Arif Rüstəmov giriş sözü ilə çıxış edərək mülki müdafiənin məqsəd və vəzifələrindən,
müharibə və dinc dövrdə oynadığı mühüm roldan ətraflı söz açıb. Bildirib ki, Ümumdünya Mülki Müdafiə Gününün qeyd olunmasında əsas
məqsəd ictimaiyyətin diqqətinin mülki müdafiə işinin təşkili məsələlərinə cəlb
etməkdir. Qeyd edib ki, mülki müdafiə sahəsində
əhalinin hazırlığının və maarifləndirilməsinin təmin edilməsi, mülki müdafiənin
təşkili məsələləri barədə təbliğat və təşviqat işlərinin aparılması olduqca
mühüm əhəmiyyət kəsb edir. "İctimai və təbiət
fənləri” kafedrasının müəllimi Pəri Məmmədova "Təbii fəlakətlər və böhranlar
zamanı köçkün əhalinin mülki müdafiəsi və idarə edilməsi” mövzusunda məruzə ilə
çıxış edərək fövqəladə hallar zamanı insanların
və ətraf mühitin mühafizəsi və müdafiəsi, qorunma və təhlükəsizlik məsələləri
barədə ətraflı söz açıb. Filialın mülki
müdafiə qərargahının rəisi İlqar Nəbiyev mülki müdafiə zamanı vətəndaşların üzərinə
düşən vəzifələrdən, mülki müdafiə və pandemiya ilə bağlı filialda görülmüş işlər
və həyata keçirilmiş tədbirlər barədə danışıb. Filialın IV kurs tələbəsi,
Tələbə Gənclər Təşkilatının sədri Pəri İbrahimova isə pandemiyaya qarşı mübarizədə
könüllülərin rolundan və bir könüllü kimi Qazax rayonunda gördükləri işlərdən ətraflı
bəhs edib. Tədbirdə iştirak
edən Qazax Rayon İcra Hakimiyyəti başçısı aparatında Sosial-iqtisadi inkişafın təhlili və
proqnozlaşdırılması şöbəsinin müdir müavini Azad Hümbətov
çıxış edərək tədbir iştirakçılarını salamlayıb. Mülki müdafiə ilə bağlı həyata keçirilən
tədbirlərin əhəmiyyətindən danışaraq Qazax Rayon İcra Hakimiyyətinin başçısı Rəcəb
Babaşovun tapşırıqlarına əsasən bu sahədə görülmüş işlərdən söz açıb. Sonda Qazax rayonunda keçirilmiş mülki müdafiə tədbirlərini özündə əks etdirən videoçarx
nümayiş olunub.
BDU Qazax filialının Mətbuat Mərkəzi
Facebook-da paylaş