Qazaxda daha 5 məktəbdə narkomaniya və onun törətdiyi fəsadlara həsr olunmuş maarifləndirici tədbir keçirilib
Qazax Rayon İcra Hakimiyyəti, Rayon Polis Şöbəsi və
Rayon Təhsil Şöbəsinin birgə təşkilatçılığı ilə rayonun ümumtəhsil məktəblərində "Narkomaniyaya
qarşı mübarizə sağlam həyata təminatdır" mövzusunda keçirilən maarifləndirici
tədbirlər davam etdirilir. Növbəti tədbirlər Qazax rayon Musa Həsənov adına Birinci Şıxlı kənd tam
orta məktəbdə, Birinci
Şıxlı kənd ümumi orta məktəbdə, Valeh Musayev adına İkinci Şıxlı kənd tam orta məktəbdə, Şahnabad Nəsibova adına Sarıvəlli kənd tam orta məktəbdə və Zahid Mahmudov adına Yuxarı Salahlı kənd tam orta məktəbdə təşkil
olunub. Qazax RİH başçısı aparatında Aparıcı
məsləhətçi-Yetkinlik yaşına çatmayanların işləri və hüquqlarının müdafiəsi üzrə
komissiyanın uşaqlarla iş üzrə məsləhətçi-psixoloqu Kəmalə Cəfərova, Rayon Polis Şöbəsi rəisinin
əməliyyat işləri üzrə müavini polkovnik-leytenant Rəşad Abdullayev, Rayon Polis
Şöbəsinin narkotiklə mübarizə qrupunun inspektoru, polis mayoru Hikmət Nəsibov,
Rayon Gənclər və İdman İdarəsinin rəisi Vüqar Nəbiyev, Rayon Təhsil Şöbəsinin
məsul işçisi Donara Həsənova, narkoloq-həkim Nahidə
Osmanovanın iştirak etdiyi tədbirlərdə ölkəmizdə
narkomaniyaya qarşı mübarizə sahəsində görülən işlərdən, aparılan mübarizə
tədbirlərindən söz açılıb.
Keçirilən tədbirlərin məqsəd və əhəmiyyətindən danışılaraq
zərərli vərdişlərlə mübarizədə bu cür maarifləndirici görüşlərin əhəmiyyəti
vurğulanıb, yeniyetmələrə sağlam həyat tərzi keçirmələri, faydalı bilik və
bacarıqlar öyrənmələri bildirilib. Məktəblilərə narkomaniyanın səbəb olduğu ağır fəsadlar,
narkotik vasitələrin qanunsuz dövriyyəsinə qarşı polis orqanları tərəfindən
aparılan qətiyyətli mübarizə tədbirləri və əldə olunan nəticələr barədə ətraflı
məlumat verilib. Narkomaniya əleyhinə aparılan tədbirlərin hazırda aktual
xarakter daşıdığı, yeniyetmə və gənclər üçün təşkil olunan belə görüşlərin
əhəmiyyəti qeyd edilib. Bu gün polis əməkdaşları tərəfindən maarifləndirmə
tədbirlərinə böyük önəm verilməklə yeniyetmə və gənclərin gələcəkdə ağ ölümün
pəncəsinə düşməməsi üçün səylərini davam etdirdiyi diqqətə çatdırılıb. Çıxışlarda
gələcəyin qurucuları olan məktəblilərin bu məsələdə daha həssas olmaları,
zərərli vərdişlərə meyil etməmələri, həmin vərdişlərdən uzaq durmaları tövsiyə
edilib. Tədbirlərdə həmçinin "Narkomaniya bəşəriyyətin
bəlası" adlı vidioçarx nümayiş olunub. Sonda şagirdləri maraqlandıran
suallar cavablandırılıb, iştirakçılara maarifləndirici bukletlər təqdim edilib.
GOYEZEN.AZ
Facebook-da paylaş