İsmət Qayıbov adına Qazax şəhər 3 nömrəli tam orta məktəbin müəllimləri də “Virtual məktəb”də toplantı keçiriblər
Bütün dünyanı cənginə alan koronavirus
(COVID-19) infeksiyasının yayılmasının qarşısının alınması məqsədilə Azərbaycanda
da qabaqlayıcı tədbirlər həyata keçirilir. Ölkə Prezidenti cənab İlham Əliyevin
rəhbərliyi altında koronavirus pandemiyasına qarşı həyata keçirilən təxirəsalınmaz
mübarizə tədbirlərinin nəticəsidir ki, bu gün Azərbaycan ən az itki verən
ölkələr sırasında dayanır. Azərbaycan Respublikası Nazirlər Kabinetinin
qərarına əsasən təxirəsalınmaz tədbirlər çərçivəsində 2020-ci ilin mart
ayının 3-dən etibarən bütün təhsil müəssisələrində tədris,
təlim-tərbiyə prosesi də dayandırılıb. Azərbaycan Respublikası Nazirlər
Kabinetinin 1 may 2020-ci il tarixli
sərəncamı ilə ölkəmizdə elan edilən karantin rejiminin müddəti 2020-ci
il mayın 4-dən 31-dək uzadılıb. Bununla əlaqədar xüsusi karantin rejimi
müddətində şagirdlər üçün təhsilin intensivliyinin təmin edilməsi məqsədilə məqsədyönlü
tədbirlər görülür. Bütün səy və imkanlardan səmərəli istifadə edilərək şagirdlərin
tədris prosesindən uzaq qalmamaları üçün keçirilən onlayn dərslər, şagirdlərin distant
təhsilə cəlb olunmaları da həmin tədbirlərdəndir. Azərbaycan
Respublikası Təhsil Nazirliyinin "Microsoft” şirkəti ilə əməkdaşlıq
çərçivəsində aprel ayının əvvəlindən başlayaraq start verdiyi "Virtual məktəb” layihəsi isə şagirdlərin dərslərinə qaldıqları yerdən
davam etmələrində mühüm rol oynayır. İsmət
Qayıbov adına Qazax şəhər 3 nömrəli tam orta məktəbin müəllim-şagird kollektivi də Təhsil Nazirliyi tərəfindən reallaşan "Virtual
məktəb” layihəsinə qoşulub. İstər Nazirlik, istərsə də rayon Təhsil şöbəsi
tərəfindən verilən tapşırıq və tövsiyələri olduğu kimi icra edən məktəb kollektivi
ilk gündən "Virtual məktəb” layihəsinə qoşulmaqda fəallıq nümayiş etdirirlər.
Əvvəllər "Zoom" proqramı ilə onlayn dərsləri keçən müəllimlər "Virtual
məktəb”in imkanlarından da səmərəli istifadə edirlər. 2018-2019-cu tədris ilində 3 nəfər məzunu 600-dən yuxarı bal
toplayaraq yüksək nəticə göstərən məktəbin kollektivi. bu il də uğurlu göstəricilər
əldə etmək üçün böyük səylə çalışırlar. Belə ki, məktəb müəllimləri "Virtual məktəb”də nəinki onlayn dərslər, eləcə də tez-tez
videotoplantılar keçirir, gördükləri işləri və qarşıda duran vəzifələri müzakirə
edirlər.
Məktəbin direktor əvəzi Nailə Əfəndiyeva növbəti videotoplantında
çıxış edərək dövlət tərəfindən ölkəmizdə koronavirus infeksiyasının qarşısının
alınması istiqamətində vaxtında görülən qabaqlayıcı tədbirlərə və əldə edilən
uğurlu nəticələrə görə Respublika Prezidenti cənab İlham Əliyevə, Birinci
vitse-prezident Mehriban Əliyevaya rəhbərlik etdiyi kollektiv adından
minnətdarlığını bildirib. Təhsil Nazirliyi tərəfindən müəllim və şagirdlərə
yaradılan bu cür imkanlara, xüsusilə də "Virtual məktəb” layihəsinə görə Təhsil
Naziri Ceyhun Bayramova təşəkkürünü çatdırıb. Rayon rəhbərliyi tərəfindən
təhsil sahəsinə olan yüksək diqqət və qayğıya görə icra başçısı Rəcəb Babaşova
müəllimlər adından bir daha minnətdarlıq edib.
Məktəb direktoru məktəblərdə tədrisin
dayandırıldığı ilk gündən müəllimlərin WhatsAppla, "Zoom" proqramı ilə dərslərə davam etdiklərini
bildirib. Bundan əlavə, şagirdlərin Təhsil
Nazirliyinin təşkilatçılığı ilə 11 mart 2020-ci il tarixdən Mədəniyyət və ARB
"Günəş” kanallarında həftənin 5 günü keçirilən teledərslərə cəlb
olunduğunu vurğulayıb. Məktəbin tarix müəllimi Ruslan Rzayev, Azərbaycan dili
və Ədəbiyyat müəllimi Aygün Bayramova, biologiya müəllimi Şəlalə Məhərrəmova
çıxış edərək xüsusi karantin rejimi dövründə məktəblərin dayandırıldığı vaxtdan
bu günə kimi gördükləri işlərdən danışıblar. "Evdə qal, təhsildən geri qalma” devizini
əldə rəhbər tutaraq "Biz birlikdə güclüyük!” şüarını öz işləri ilə doğrultmağa
çalışdıqlarını vurğulayıblar. GOYEZEN.AZ
Facebook-da paylaş