BDU-nun Qazax filialında Respublika Günü qeyd olunub
Bakı Dövlət
Universitetinin Qazax filialında 28 may - Respublika Gününə həsr olunmuş tədbir
keçirilib. Filialın
direktor müavini, dosent Məmməd Yusifov tədbiri giriş sözü ilə açaraq qeyd edib ki, 1918-ci il mayın 28-də
müsəlman Şərqində ilk parlamentli respublika olan Azərbaycan Xalq Cümhuriyyəti
qurulmuşdur. Cəmi iki ilə yaxın yaşamış AXC milli dövlətçilik tarixində
silinməz izlər qoymuş, xalqın qəlbində azadlıq və istiqlal duyğularını
gücləndirməklə respublikanın gələcək müstəqilliyi üçün etibarlı zəmin
hazırlamışdır. İctimai və
təbiət fənləri kafedrasının müəllimi Tərlan Bədəlova məruzə ilə çıxış edərək
bildirib ki, AXC dövlət quruculuğu sahəsində böyük işlər görmüş, Azərbaycan
dilinin dövlət dili elan olunması, Milli Ordunun yaradılması haqqında qanunlar
qəbul etmişdir. Filialın
müəllimi Mübariz Süleymanov, tələbələrlə iş və ictimaiyyətlə əlaqələr şöbəsinin
müdiri Qasım Əliyev, tələbələrdən Səbinə Camalova, Nurlan Quliyev, Nərmin
Əzizli çıxış edərək AXC-nin respublikamızın dövlətçilik tarixindəki
əhəmiyyətindən söz açıblar. Tədbirin sonunda
YAP-a daxil olmuş bir qrup tələbəyə üzvlük vəsiqələri təqdim olunub. GOYEZEN.AZ
Facebook-da paylaş