BDU-nun Qazax filialında ulu öndərə həsr olunmuş anım tədbiri keçirilib
Azərbaycanın
ən yeni tarixinin bütöv bir dövrü ümummilli lider Heydər Əliyevin adı və
fəaliyyəti ilə bağlıdır. Ulu öndərin 35 illik rəhbərliyi dövründə
Azərbaycan əsrlərə bərabər inkişaf yolu keçib. Xalqımız bu gün
tam əmindir ki, heç bir qüvvə ulu öndər Heydər Əliyevin banisi və qurucusu
olduğu müstəqil Azərbaycanın dövlətçiliyini sarsıda bilməz, xalqımızın
azadlığını və müstəqilliyini əlindən ala bilməz.
Bu gün bu fikirlər Bakı Dövlət Universitetinin Qazax filialında ulu öndər
Heydər Əliyevin vəfatının 15-ci ildönümünə həsr olunmuş anım tədbirində
səsləndirilib.
Universitetin Heydər Əliyev auditoriyasında keçirilən tədbirdə professor,
müəllim və tələbə heyəti iştirak edib.
Tədbir iştirakçıları əvvəlcə ümummilli lider Heydər Əliyevin filialın
foyesində yerləşən büstü önünə gül dəstəsi qoyub, əziz xatirəsini dərin
ehtiramla yad ediblər.
Sonra
ulu öndərin xatirəsi 1 dəqiqəlik sükutla yad olunub, dahi şəxsiyyətin həyat və
fəaliyyətini özündə əks etdirən slayt nümayiş etdirilib. BDU
Qazax filialının tədris və elmi işlər üzrə direktor müavini, dossent Məmməd
Yusifov tədbiri giriş sözü ilə açaraq ulu öndər Heydər Əliyevin Azərbaycan
dövlətinin tarixindəki yeri və əhəmiyyəti barədə danışıb. Bildirib ki, ulu
öndər Heydər Əliyevin apardığı müdrik, təmkinli və qətiyyətli siyasət
nəticəsində ölkəmizdə qısa vaxt ərzində siyasi sabitlik yarandı,
müstəqilliyimizin başı üzərini almış təhlükə sovuşdu, onun əbədiliyi,
sarsılmazlığı təmin edildi. Xalqın öz rəhbərinə sevgisi, dərin inamı, müstəqil
ölkəmizin parlaq gələcəyinə olan ümidləri daha da gücləndirdi. Direktor müaviniqeyd edib ki, ümummilli liderin müstəqilliyin
möhkəmlənməsinə yönələn siyasəti bu gün də uğurla həyata keçirilir. Ötən
illərdə sosial-iqtisadi, eləcə də humanitar sahələrdə əldə olunmuş nailiyyətlər
Azərbaycanın müstəqil dövlət kimi gücünü nümayiş etdirir. Ulu öndər Heydər
Əliyev tərəfindən qorunub saxlanılan müstəqilliyimiz bu gün Prezident İlham
Əliyevin rəhbərliyi ilə daha da möhkəmləndirilir.
Filialın
ictimai və təbiət fənləri kafedrasının baş müəllimi Mübariz Süleymanov məruzə
ilə çıxış edərək ümummilli lider Heydər Əliyevin həm də
dünya şöhrətli siyasətçi olmasından söz açıb. Qeyd edib ki, Azərbaycana
rəhbərlik etdiyi dövrdə ulu öndər var qüvvəsini və bacarığını ölkənin
yüksəlişinə həsr edərək, nəhəng quruculuq işlərinin təşəbbüskarı olub. Onun
zəngin dövlətçilik təcrübəsi, möhkəm iradəsi və uzaqgörənliyi sayəsində ölkədə
vətəndaş müharibəsi dayandırıldı, Milli Ordumuzun döyüş qüdrətinin artırılması nəticəsində
torpaqlarımızın işğalına son qoyuldu və atəşkəs əldə olundu. Qısa bir zamanda
ulu öndərin bilavasitə rəhbərliyi altında respublikamızda ictimai-siyasi
sabitlik və iqtisadi dirçəliş təmin edildi. Universitetin
ictimai və təbiət fənləri kafedrasının müəllimi İmran Məmmədov, tarix və
coğrafiya müəllimliyi ixtisasının I kurs tələbəsi Laura İsmayılova və başqaları
çıxış edərək ölkəmizin ictimai-siyasi həyatında baş vermiş hadisələrdən söhbət
açıblar. Müstəqilliyimizin itirilməsi, dövlətçiliyimizin məhv olması təhlükəsi
yarandığı zaman yalnız ümummilli lider Heydər Əliyevin xalqı bu bəladan xilas
etdiyini və möhkəm sütunlar üzərində müstəqil Azərbaycan dövlətini qurduğunu
diqqətə çatdırıblar. Qeyd ediblər ki, ulu öndərin layiqli davamçısı Prezident İlham
Əliyev tərəfindən aparılan uğurlu daxili və xarici siyasət nəticəsində bu gün
ölkəmizdə bütün sahələrdə dinamik inkişafa nail olunub. GOYEZEN.AZ
Facebook-da paylaş