Qazaxda şəhərin Heydər Əliyev prospektində və daha 2 küçəsində su-kanalizasiya sisteminin çəkilişləri yekunlaşan hissəsində asfalt vurulması üçün hazırlıq işlərinə başlanılıb
Ölkə Prezidenti cənab İlham Əliyevin diqqət və qayğısı
sayəsində respublikamızın bölgələrində aparılan quruculuq işləri Qazax rayonunda da
uğurla davam etdirilir. Bunu son illər rayonda regionların sosial-iqtisadi inkişafına
dair qəbul olunmuş çoxsaylı Dövlət
Proqramlarının uğurlu icrası nəticəsində geniş miqyas alan abadlıq və
quruculuq işlərindən də görmək olur. Məhz
bu işlər sayəsində Qazax rayonu gündən-günə inkişaf edir, respublikamızın abad rayonlarından
birinə çevrilir. Son dövrlər rayonda yeni asfalt yolların çəkilməsi, əhalinin
mənzil-məişət şəraitinin yaxşılaşdırılması istiqamətində çoxmənzilli yaşayış
binalarında aparılan təmir işləri, çoxsaylı məktəb binalarının, körpələr
evi-uşaq bağçalarının tikilməsi, əsaslı şəkildə yenidən qurulması, şəhərin prospekt
və küçələrində aparılan genişmiyqaslı abadlıq işləri bu dediklərimizin bariz
nümunəsidir. Yola saldığımız 2020-ci ildə
böyük bir tikinti meydançasını xatırladan Qazaxda həyata keçirilən
tikinti-quruculuq işlərinə bu il yenidən start verilib. Görülməsi nəzərdə
tutulan bütün işlər qaldığı yerdən uğurla davam etdirilir. İlin ilk günlərindən start götürən abadlıq işləri onu söyləməyə əsas verir
ki, bu il də ötən ildəkindən daha çox iş görüləcək. Dövlət başçısı İlham Əliyevin diqqət və qayğısı sayəsində Qərbin qapısı
sayılan Qazaxda Dövlət Proqramında mühüm yer tutan quruculuq işləri bu il də
uğurla icra ediləcək.
Hər kəsə o da
yaxşı məlumdur ki, ölkə rəhbərinin tapşırığına əsasən "Azərsu” Açıq Səhmdar Cəmiyyəti tərəfindən
Qazax şəhərində içməli su və kanalizasiya sisteminin yenidən qurulması layihəsi
həyata keçirilir. Ən əsası isə şəhərdə su və kanalizasiya xətlərinin çəkilişi
yekunlaşan ərazilər abadlaşdırılır, işlərin başa çatdırıldığı prospekt və
küçələr asfaltlanır, səkilərə yeni tamet, bardür düzülür, qaz, elektrik, rabitə
xətləri səliqəyə salınır, rənglənmə işləri aparılır, yaşıllıqlar salınır. Ötən yazılarımızda da qeyd etdiyimiz kimi, yola
saldığımız 2020-ci ildə şəhərin Heydər Əliyev prospektində su
və kanalizasiya sisteminin çəkilişləri yekunlaşan hissələrdə, eləcə də çəkiliş başa
çatmış Molla Pənah Vaqif, Səməd
Vurğun, Azadlıq, Zeynalabdin Tağıyev, Murtuz
Carçıyev, Əminə Dilbazi, Molla Vəli Vidadi, Hüseyn Arif, Məmməd
Əmin Rəsulzadə, Əhməd Seyidov, Mehdi Hüseyn, Bakı, Firuddin
Şamoyev, Əliağa Şıxlinski küçələrinə yeni asfalt örtüyü
vuruldu. Şəhərin Nəriman Nərimanov yaşayış massivində yerləşən 1,2,3,49
saylı, Heydər Əliyev prospektində yerləşən
61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı, Əliağa Şıxlinski küçəsində
yerləşən 4 və 5 saylı çoxmənzilli yaşayış binalarının həyətində abadlıq işləri
aparılaraq "Abad məhəllə” kimi sakinlərin
istifadəsinə verildi. Hazırda su və kanalizasiya sisteminin çəkilişləri
şəhərin Heydər Əliyev prospektində aparılır.
Bununla yanaşı, prospektdə və daha iki küçədə - Azadlıq və Murtuz Carçıyev küçələrində su-kanalizasiya sisteminin çəkilişləri başa çatan hissələrdə
abadlıq işlərinə başlanılıb. Belə ki, işlər yekunlaşan hissəyə yeni asfalt
vurulması üçün alt hissənin hazırlıq işlərinə start verilib. Qazaxda
aparılan genişmiqyaslı quruculuq
işləri sakinlər tərəfindən də könül xoşluğu, razılıq hissi ilə qarşılanır.
Sakinlər bütün bu işlərə görə ölkə Prezidenti İlham Əliyevə minnətdarlıq
edirlər. Heydər Əliyev prospekti
Azadlıq küçəsi
Murtuz Carçıyev küçəsi GOYEZEN.AZ
Facebook-da paylaş