Xalq yazıçısı İsmayıl Şıxlının adını daşıyan Kosalar kənd tam orta məktəbin tikintisindən FOTOREPORTAJ
Son
illər Respublika Prezidenti cənab İlham Əliyevin təhsil sahəsinə olan yüksək
diqqət və qayğısı respublikamızın sosial-iqtisadi inkişafı ilə bağlı qəbul
edilmiş Dövlət Proqramlarında da öz real əksini tapmaqdadır. Məhz həmin Dövlət
Proqramlarında yeni-yeni təhsil ocaqlarının, çoxsaylı məktəblərin inşa
olunması, yaxud da əsaslı şəkildə yenidən qurulması kimi bəndlərin öz əksini
tapması bu sahəyə olan qayğıdan, təhsil sahəsinin hər zaman prioritet sahə
olmasından xəbər verir. Təqdirəlayiq hal isə odur ki, bu sahədə görülən işlər
paytaxt Bakı ilə yanaşı respublikamızın bütün bölgələrini əhatə edir. "Azərbaycan Respublikası regionlarının 2019–2023-cü illərdə
sosial-iqtisadi inkişafı Dövlət Proqramı”nın həyata keçirilməsi üzrə
hazırlanmış tədbirlər planında Qazax rayonu üzrə təmirə ehtiyacı olan 11 məktəbin
təmirinin əksini tapması da bu sahədə həyata keçirilən işlərin uğurla davam
etdirilməsi deməkdir. Heydər
Əliyev Fondu tərəfindən Xalq yazıçısı İsmayıl Şıxlının adını daşıyan 1176
şagird yerlik Kosalar kənd tam orta
məktəbin əsaslı şəkildə yenidən qurulması həm Xalq yazıçısına, onun
yaradıcılığına verilən böyük qiymət, həm də gələcəyimiz olan uşaqlara olan diqqət
və qayğıdır. 5
aydır ki, böyük bir tikinti meydançasını xatırladan Kosalar kənd tam orta məktəbində
əsaslı tikinti işləri ilk gündən sürətlə davam etdirilir. İş icraçısı Əhməd Rəhimov yekunlaşan işlər barədə məlumat verərək
bildirib ki, istər əsas binanın, istərsə də keçidlərin dam örtüyü vurulub. Üçmərtəbəli
binanın hər üç mərtəbəsində suvaq, astar-üzlük və alçipan vurulması işləri tam
yekunlaşıb. Həmçinin hər üç mərtəbədə pəncərələrin qoyulması yekunlaşıb,
hazırda isə şüşələrin salınması işi yerinə yetirilir. Yenə də hər üç mərtəbədə
otaqlarda döşəməyə beton tökülməsi işi tam başa çatıb. Bundan əlavə, məktəbin kənarına
hasar çəkilməsi (hörgü və suvaq işləri) bitib. İş
icraçısı akt zalı, yeməkxana və idman zalında da eyni işlərin aparıldığını və
sürətlə davam etdirildiyini bildirib. Bundan başqa, məktəb binasının arxa hissəsində hər
birinin həcmi 154 kubmetr olan 2 ədəd yanğından mühafizə, bir ədəd içməli su
hovuzu, nasosxana, qazanxananın da tikildiyini və son tamamlanma işlərinin
aparıldığını qeyd edib. Bildirib ki, kənd sakinlərinin, xüsusilə də
idmançıların, güləşçilərin istəyi nəzərə alınaraq məktəbin həyətində arxa hissədə
əlavə olaraq tikilən güləş zalının inşası da uğurla həyata keçirilir. Belə ki, artıq
güləş zalında suvaq işləri görülür. Dam örtüyünün vurulması üçün alt hissə
hazırlanır. Ə.Rəhimov hazırda binanın xarici fasadında suvaq işinin sürətlə
davam etdirildiyini qeyd edib. Oyun meydançasında isə ərazinin düzləşdirilməsi
işinin, eyni zamanda əlavə olaraq 6 ədəd ayaqyolu (3 oğlan, 3 qız) və 2 ədəd
hamam inşa olunduğunu da diqqətə çatdırıb. Tikinti
işlərinin başlanılmasından 5 ay ötməsinə baxmayaraq artıq əsas işlərin xeyli
hissəsi arxada qalıb. Ən əsası da kəmiyyətlə yanaşı işin keyfiyyətinə də böyük
üstünlük verilir. Bunu isə görülən işlərdən də aydın şəkildə görmək mümkündür.
GOYEZEN.AZ
Facebook-da paylaş