Qazaxda vətəndaşların vaksinasiya prosesi uğurla həyata keçirilir
Koronavirus pandemiyasının qarşısının alınması
məqsədilə ölkəmizdə həyata keçirilən vaksinasiya tədbirləri çərçivəsində respublikamızın
hər yerində olduğu kimi, Qazaxda da əhalinin COVID-19 infeksiyasına qarşı peyvənd olunması prosesi uğurla
davam edir. Əhalinin COVID-19-a qarşı vaksinasiya prosesini müvəffəqiyyətlə başa çatdırmaq üçün Qazax Rayon Mərkəzi Xəstəxanasında bütün zəruri
tədbirlər görülüb. Belə ki, vaksinasiya prosesinin həyata keçirilməsi məqsədilə
Rayon Mərkəzi Xəstəxanasının yoluxucu xəstəliklər şöbəsində 1 qəbul otağı, 1
qeydiyyat otağı, 3 xüsusi peyvənd otağı, 2 nəzarət otağı, 1 təcili tibbi yardım
otağı və həkim briqadaları ayrılıb. Peyvəndlərin daşınması üçün TƏBİB-in təlimatlarına
uyğun zəruri şərait yaradılıb. Məlumat üçün bildirək ki, hazırda rayonda yaşı 50-65 və 65-dən yuxarı olan vətəndaşların vaksinasiya prosesi aparılır. Bu günədək Qazax rayonu üzrə tibb işçilərinə, həmçinin yaşı 50-65 və
65-dən yuxarı olan vətəndaşlara ümumilikdə 9575 doza vaksin vurulub. Strategiyaya əsasən, yaş kateqoriyaları üzrə indiyədək 65
yaşdan yuxarı 3323 vətəndaş, həmçinin
50-65 yaş arasında 5596 nəfər
koronavirusa qarşı peyvənd olunub və proses davam edir. Qazax Rayon Mərkəzi Xəstəxanası ilə yanaşı, səyyar
həkim briqadaları tərəfindən vətəndaşların evlərdə vaksinasiya prosesi də
həyata keçirilir. Qeyd edək ki, vaksinasiya prosesi Nazirlər
Kabinetinin 2021-ci il 16 yanvar tarixli Sərəncamı ilə təsdiq edilmiş
"Azərbaycan Respublikasında COVID-19 xəstəliyi əleyhinə 2021-2022-ci illər
üçün Vaksinasiya Strategiyası”na uyğun olaraq həyata keçirilir. Strategiyanın
əsas məqsədi ölkəmizdə yayılmış koronavirus pandemiyasının qarşısının
alınmasına, virusa yoluxma və ölüm səviyyəsinin aşağı salınmasına nail
olmaqdır.
GOYEZEN.AZ
Facebook-da paylaş