Qazaxda tibb işçilərinin vaksinasiya prosesi uğurla həyata keçirilir
Cənab Prezident İlham Əliyevin tapşırığına əsasən və
Birinci vitse-prezident Mehriban Əliyevanın rəhbərliyi altında COVID-19
infeksiyasına qarşı mübarizə məqsədilə ölkəmizin bütün bölgələrində olduğu
kimi, Qazaxda da əhalinin peyvənd olunması kampaniyası uğurla həyata keçirilir. Hazırda rayonda vaksinasiyanın birinci
mərhələsində risk qrupuna daxil olan səhiyyə işçiləri peyvənd olunur. Rayonda 1464 nəfər tibb işçisi çalışır ki, artıq 782 tibb işçisinə peyvəndin birinci dozası vurulub. Bundan əlavə, rayonda 31 nəfər dializ xəstəsi kimi
qeydiyyatdadır ki, onlardan 22 nəfəri peyvənd olunub. Ümumilikdə, bu günə kimi 811 nəfər COVID-19-a qarşı vaksinasiya edilib. Məlumat üçün bildirək ki, Qazax Rayon Mərkəzi
Xəstəxanasında əhalinin COVID-19-a qarşı vaksinasiya prosesinin yüksək
mütəşəkkilliklə aparılması üçün bütün zəruri tədbirlər görülüb. Belə ki, vaksinasiya
prosesinin həyata keçirilməsi məqsədilə Rayon Mərkəzi Xəstəxanasının yoluxucu
xəstəliklər şöbəsində 1 qəbul otağı, 1 qeydiyyat otağı, 3 xüsusi peyvənd otağı,
2 nəzarət otağı, 1 təcili tibbi yardım otağı ayrılıb. Bundan əlavə,
peyvəndlərin daşınması üçün TƏBİB-in təlimatlarına uyğun zəruri şərait
yaradılıb. Onu da qeyd edək ki, Nazirlər Kabinetinin 2021-ci il
16 yanvar tarixli Sərəncamı ilə "Azərbaycan Respublikasında COVID-19
xəstəliyi əleyhinə 2021-2022-ci illər üçün Vaksinasiya Strategiyası” təsdiq
edilib. Strategiyaya uyğun olaraq vaksinasiyanın birinci mərhələsində səhiyyə işçiləri,
65 yaşdan yuxarı şəxslər və hüquq-mühafizə orqanları tərəfindən əks-epidemik
tədbirlərə cəlb olunan heyət peyvəndlənəcək. Strategiyanın əsas məqsədi ölkədə
yayılmış koronavirus pandemiyasının qarşısının alınmasına, virusa yoluxma və
ölüm səviyyəsinin aşağı salınmasına nail olmaqdır. Vaksinin əhəmiyyəti immuniteti gücləndirmək yolu ilə
xəstəlikdən qorunmaq, infeksiyanın ötürülməsini məhdudlaşdırmaq, ölüm halının
qarşısını almaq və nəticədə səhiyyə sisteminə düşən yükü azaltmaqdan ibarətdir.
GOYEZEN.AZ
Facebook-da paylaş