Yuxarı Salahlı kənd həkim məntəqəsi - FOTOLAR
19 aprel 2018-ci ildə təməlqoyma mərasimi
keçirilən Yuxarı Salahlı kənd həkim məntəqəsi artıq kənd sakinlərinin istifadəsinə
verilib. 1 oktyabr tarixində açılış mərasimi keçirilən həkim məntəqəsi Yaponiya
səfirliyinin, Azərbaycan Respublikasının Səhiyyə Nazirliyinin və Qazax Rayon
İcra Hakmiyyətinin birgə razılığı əsasında Qərb-Resurs Vətəndaş Cəmiyyətinin
İnkişafına Dəstək İctimai Birliyi tərəfindən tikilib. Yaponiya hökumətinin maliyyə dəstəyi ilə "Ot kökləri
və insan təhlükəsizliyi qrant yardımı proqramı” layihəsi çərçivəsində inşa olunmuş məntəqənin ümumi sahəsi 216
kv.m-dir. Girişdə ulu öndər Heydər Əliyevin, Prezident İlham Əliyevin Qazax
rayonuna səfərlərini, Yaponiya ilə Azərbaycan dövlətləri arasındakı dostluğu və
əməkdaşlığı özündə əks etdirən fotoşəkillərdən ibarət guşə yaradılıb. İlk yardım, baş həkim, ailə həkimi,
ginekoloq, stomatoloq, peyvənd, palata, anbar daxil olmaqla 8 otaqdan ibarət
olan məntəqədə həkim və tibb işçilərinin əhaliyə yüksək səviyyədə xidmət
göstərmələri üçün hər cür şərait yaradılıb. Sanitar qovşağı və müasir
standartlara cavab verən istilik sistemi ilə təchiz edilib. Rayon rəhbərliyinin
dəstəyi ilə məntəqənin qarşısında 30 kv.m ərazini əhatə edən çardaq
quraşdırılıb, oturacaqlar qoyulub, giriş qapısının və pəncərələrin kənarlarına
aqlaydan haşiyələr vurulub, eyni zamanda, tibb məntəqəsinin qarşısına yol çəkilib. GOYEZEN.AZ
Facebook-da paylaş