Qazaxda davamlı tibbi təhsillə əlaqədar təşkil olunmuş səyyari kurslar uğurla davam edir
Azərbaycan Respublikası
Səhiyyə Nazirliyi tərəfindən Qazaxda davamlı tibbi təhsillə əlaqədar təşkil
olunmuş səyyari kurslar artıq 5 gündür ki, uğurla davam edir. Aprelin 8-dən Qazax
Müalicə Diaqnostika Mərkəzində start götürən kurslarda həkimlərə davamlı tibbi
təhsillə bağlı maraqlı mövzular barədə ətraflı məlumatlar verilir.
Həkim terapevt, pediatr və
ailə həkimi üzrə aparılan səyyari kurslarda Qazax rayon Mərkəzi Xəstəxanasının
həkimləri ilə bərabər, Qazax Müalicə Diaqnostika Mərkəzinin, eləcə də qonşu
rayonlardan Ağstafa, Tovuz və Şəmkir rayon Mərkəzi Xəstəxanalarının həkimləri də
fəal iştirak edirlər.
11-12 aprel tarixlərində
təşkil olunmuş səyyari kursların mövzusu isə "Kəskin qarın” xəstəlikləri barədə
olub. Ə.Əliyev adına Azərbaycan Dövlət Həkimləri
Təkmilləşdirmə İnstitutunun (ADHTİ) "Ailə təbabəti”
kafedrasının assisenti, tibb elmləri namizədi
Şəfaqət Verdiyeva tərəfindən aparılan kurslarda mövzu ilə bağlı geniş təlimlər
keçirilib. Həmçinin, mövzu ilə bağlı həkimləri maraqlandıran
suallar da cavablandırılıb.
Məlumat üçün qeyd edək ki,
kursa 65 nəfər müxtəlif ixtisasdan olan həkimlər qatılıb. Davamlı tibbi
təhsillə əlaqədar təşkil edilmiş səyyari kursda həkimlər sertifikat və balla
qiymətləndiriləcəklər.
Peşəkar və yüksək ixtisaslı
həkimlərin iştirakı ilə təşkil olunan kurslar isə aprelin 17-dək davam edəcək.
GOYEZEN.AZ
Facebook-da paylaş