Davamlı tibbi təhsillə əlaqədar Qazaxda təşkil olunmuş səyyari kurslar davam edir
Xəbər
verdiyimiz ki, Azərbaycan Respublikası Səhiyyə Nazirliyi tərəfindən davamlı
tibbi təhsillə əlaqədar Qazaxda səyyari kursların təşkilinə başlanılıb. Aprel
ayının 8-dən etibarən başlanılan kurslar Qazax Müalicə Diaqnostika Mərkəzində təşkil olunub. Səyyari
kurslar həkim terapevt, pediatr və ailə həkimi üzrə aparılır. Qazax rayon
Mərkəzi Xəstəxanasının həkimləri ilə yanaşı, Qazax Müalicə Diaqnostika
Mərkəzinin, eləcə də qonşu rayonlardan Ağstafa, Tovuz və Şəmkir rayon Mərkəzi
Xəstəxanalarının həkimləri də səyyari kurslarda iştirak edirlər. Bugünkü səyyari kursda Bakı şəhərinin Baş uroloqu, 3 saylı şəhər Kliniki Xəstəxanasının Urologiya
şöbəsinin müdiri, tibb üzrə fəlsəfə doktoru. Avropa və Amerika Beynənxalq Urologiya cəmiyyətinin üzvü İlqar İsmayılov və Ə.Əliyev adına Azərbaycan Dövlət Həkimləri
Təkmilləşdirmə İnstitutunun (ADHTİ) "Ailə təbabəti” kafedrasının assisenti
endokrinoloq Dinar Qəhrəmanova iştirak ediblər. Səyyari kursda iştirak edən həkimlərə
uroloji xəstəliklərin müalicə və profilaktikası, şəkərli diabet, onun müalicəsi profilaktikası
və pəhrizi haqqında geniş izahatlar, ətraflı məlumatlar verilib. Həmçinin, xəstəliklər
haqqında həkimləri maraqlandıran suallar cavablandırılıb. Məlumat üçün
qeyd edək ki, kursa 65 nəfər müxtəlif ixtisasdan olan həkimlər qatılıb. Davamlı
tibbi təhsillə əlaqədar təşkil edilmiş səyyari kursda həkimlər sertifikat və
balla qiymətləndiriləcəklər. Peşəkar və yüksək
ixtisaslı həkimlərin iştirakı ilə təşkil olunan kurslar isə aprelin 17-dək
davam edəcək. GOYEZEN.AZ
Facebook-da paylaş