Qazax Telekommunikasiya Qovşağının kollektivi şəhid ailələrinin və qazilərimizin müraciətinə daim həssaslıqla yanaşır
Azərbaycan Respublikasının
müstəqilliyi, ərazi bütövlüyü uğrunda canını fəda etmiş şəhidlərimizin
ailələrinə, habelə Vətən müharibəsi iştirakçılarına və qazilərimizə dövlət
tərəfindən hər zaman davamlı xüsusi diqqət və qayğı göstərilir. Onların mövcud
problemlərinin aradan qaldırılması üçün mütəmadi olaraq məqsədyönlü tədbirlər
həyata keçirilir. Ölkə Prezidenti cənab İlham
Əliyev tərəfindən bu istiqamətdə imzalanan Fərman və Sərəncamlar, Birinci
vitse-prezident Mehriban Əliyevanın şəhid ailələrinə və müharibə əlillərinə göstərdikləri
dövlət qayğısı nümunəvi xarakter daşıyır. Ölkə başçısının və Birinci
vitse-prezidentin şəhidlərimizə, onların ailə üzvlərinə, qazilərimizə, müharibə
iştirakçılarına olan qayğıları Qazaxda da hər zaman örnək sayılır. Rayonda respublikamızın ərazi bütövlüyünün bərpası
uğrunda aparılan döyüşlərdə şəhid, qazi olmuş ailələrin və müharibə
iştirakçılarının ailələrinin telekommunikasiya xidmətlərindən istifadə etmələri
üçün Nəqliyyat, Rabitə və Yüksək Texnologiyalar Nazirliyinin "Aztelekom” Məhdud
Məsuliyyətli Cəmiyyətinin tabeli strukturları tərəfindən məqsədyönlü işlər
görülür. "Aztelekom” MMC-nin Qazax Telekommunikasiya
Qovşağının kollektivi
də bu sahədə öz işini günün tələbləri səviyyəsində qurur. Dövlətin, ölkə Prezidentinin və rayon rəhbərliyinin şəhid ailələrinə,
Qarabağ müharibəsi əlillərinə, veteranlarına olan qayğısını əldə rəhbər tutuan
Qovşağın kollektivi bu təbəqədən olan insanları daim diqqətdə saxlayır,
qaldırdıqları hər bir məsələyə həssaslıqla yanaşırlar. Şəhidlərimizə və qazilərimizə
olan qayğının nəticəsidir ki, 30 nəfər şəhid ailəsi, 31 nəfər Vətən müharibəsi
qazisi, 5 nəfər müharibə iştirakçısı ailəsi telefon və internet xidməti ilə təmin
edilib. Ölkə başçısı cənab İlham
Əliyevin rəhbərliyi ilə şəhid ailələrinə, Vətən müharibəsi iştirakçılarına
göstərilən qayğı bütün cəmiyyətimiz, o cümlədən şəhid ailələri və müharibə
veteranları tərəfindən razılıqla qarşılanır. İnternet və rabitə sahəsində olan qayğılarının
həlli istiqamətində görülmüş işlərə görə minnətdarlıq edirlər. Rayonda bütün
sahələrdə vətəndaşlara göstərilən qayğıya görə ölkə Prezidentinə təşəkkürlərini
bildirirlər. GOYEZEN.AZ
Facebook-da paylaş