Qazaxda su və kanalizasiya sistemi yenidən qurulur
Respublika mətbuatı
Qazax haqqında Son
illər ölkənin bütün bölgələrində, o cümlədən Qazaxda genişmiqyaslı
abadlıq və quruculuq işləri görülüb. Bunun nəticəsində rayonda elə bir sahə
yoxdur ki, orada hansısa yenilik olmasın. Salınan
abad yollar, çoxmənzilli yaşayış binalarında aparılan təmir işləri, yeni
məktəb binalarının, uşaq bağçalarının tikilməsi, əsaslı təmiri və s. Qazaxı
bölgənin nümunəvi rayonuna çevirib. Bununla belə, rayonda tikinti, quruculuq,
abadlıq işləri səngimir. İlin əvvəlindən götürülən start deməyə əsas verir ki, 2021-ci
il də Qazax üçün bu sahədə düşərli olacaq. Artıq
bir neçə ildir ki, "Azərsu” Açıq Səhmdar Cəmiyyəti tərəfindən Qazax şəhərində
içməli su və kanalizasiya sistemi yenidən qurulur. Artıq şəhərin bir çox
ərazilərində iş başa çatmışdır. Onu da qeyd edək ki, su və kanalizasiya
xətlərinin çəkilişi yekunlaşan ərazilər abadlaşdırılır, prospekt və küçələr
asfaltlanır, səkilərə yeni tamet, bardür düzülür, qaz, elektrik, rabitə xətləri
səliqəyə salınır. Abadlıqdan söz düşmüşkən onu da bildirək ki, rayon
mərkəzindəki çoxmənzilli yaşayış binalarının ərazilərində "Abad məhəllə”lər
yaradılır. Sabir ƏLİYEV, "Azərbaycan” qəzetinin bölgə müxbiri 15 yanvar 2021-ci il
Facebook-da paylaş