Qazaxda taxıl biçini başa çatıb
Respublika
mətbuatı Qazax haqqında Hər kəsə yaxşı məlumdur ki, Azərbaycanda əhalinin
etibarlı ərzaq təminatı dövlətin iqtisadi siyasətinin başlıca istiqamətlərindən
biridir. Kənd təsərrüfatının əsasını təşkil edən taxılçılıq bu sahədə mühüm yer
tutur. Çünki taxılçılıq əhalinin çörək və çörək məmulatlarına olan tələbatını
ödəməklə yanaşı, heyvandarlığın qüvvəli və qaba yemə olan tələbatının
ödənilməsində də böyük rol oynayır. Taxılçılığın inkişafı dövlət tərəfindən daim diqqət
mərkəzində saxlanılır. Bunu son illər Prezident İlham Əliyevin rəhbərliyi
altında ölkəmizdə kənd təsərrüfatında böyük çəkiyə malik olan taxılçılığın
inkişaf etdirilməsi istiqamətində həyata keçirilən məqsədyönlü işlərdən də
görmək olur. Prezidentin qayğısı sayəsində bu sahənin inkişafı ilə bağlı dövlət
tərəfindən torpaq mülkiyyətçilərinə verilən əlavə subsidiyalar, aparılan
tədbirlər, yeni torpaq sahələrinin dövriyyəyə qatılması ölkədə taxılçılığın
ilbəil genişlənməsinə gətirib çıxarır. Dövlət başçısının taxılçılığın inkişaf etdirilməsi ilə
bağlı qarşıya qoyduğu vəzifələr, verdiyi tapşırıq və tövsiyələr son illər
Qazaxda da uğurla icra olunur. Belə ki, dövlət və rayon rəhbərliyi tərəfindən
göstərilən diqqət və qayğını, hər cür dəstəyi hiss edən, texnika və digər
ləvazimatlarla təmin olunan fermerlər, kənd adamları rayonda taxılçılığın
inkişafı üçün bu sahəyə marağı ildən-ilə artırırlar. Qeyd edək ki, cari ildə Qazaxda 11 min 395 hektar
sahədə taxıl əkilmişdir. Bunun 6916 hektarı buğda, 4479 hektarı arpa olmuşdur.
Artıq taxıl biçini başa çatmışdır. Rayon Aqrar İnkişaf Mərkəzindən verilən
məlumata görə, orta məhsuldarlıq 33,8 sentner olmuşdur ki, bu da keçən ilkindən
çoxdur. Sabir ƏLİYEV, "Azərbaycan” qəzetinin bölgə müxbiri 13 avqust 2020-ci il
Facebook-da paylaş