Qazaxda arpa biçininə başlanılıb
Son illər ölkəmizdə dövlət başçısı İlham Əliyevin rəhbərliyi
altında kənd təsərrüfatının
əsasını təşkil edən taxılçılığın
inkişaf etdirilməsi istiqamətində mühüm tədbirlər həyata
keçirilir. Çünki taxılçılıq əhalinin çörək və çörək məmulatlarına olan tələbatını
ödəməklə yanaşı, həm də heyvandarlığın qüvvəli və qaba yemə olan tələbatının ödənilməsində
mühüm rol oynayır. Odur ki, taxılçılığın inkişafı dövlətimiz və ölkə rəhbəri tərəfindən
daim diqqət mərkəzində saxlanılır. Bu sahənin inkişafı ilə bağlı dövlətin
torpaq mülkiyyətçilərinə verdiyi əlavə subsidiyalar, aparılan tədbirlər, yeni
torpaq sahələrinin dövriyyəyə qatılması ölkədə taxılçılığın ilbəil genişlənməsinə
səbəb olur. Ölkə rəhbərinin taxılçılığın
inkişaf etdirilməsi ilə bağlı verdiyi tapşırıq və tövsiyələr son illər Qazaxda
da uğurla icra olunur. Belə ki, dövlət
və rayon rəhbərliyi tərəfindən diqqət və qayğı, hər cür dəstəklə, texnika və
lazım olan bütün ləvazimatlarla təmin olunan fermerlər, kənd adamları rayonda taxılçılığın
inkişafı üçün hər il daha çox maraq göstərirlər. 2020-ci ildə 11395 hektarda taxıl əkilib ki, bunun da 6916 hektarı
buğda, 4479 hektarı arpadır. Aqrotexniki tədbirlərin vaxtında və keyfiyyətlə
həyata keçirilməsinin nəticəsidir ki, zəmilərdə bol məhsul yetişib. Respublikamızın hər yerində olduğu kimi, Qazax
rayonunda da arpa biçininə başlanılıb. Arpa
biçininin mütəşəkkil keçirilməsi və optimal müddətdə başa çatdırılması, biçin
zamanı təhlükəsizlik tədbirləri ilə bağlı bütün hazırlıq işləri görülüb,
texnikalar saz vəziyyətə gətirilib. Biçinlə əlaqədar sahələrə xeyli sayda
kombayn cəlb edilib. GOYEZEN.AZ
Hazırda 4479 hektar arpa sahəsinin 262 hektarında biçin aparılıb. Qalan 4217
hektar sahədə də biçin işləri sürətlə davam etdirilir.
Facebook-da paylaş