Qazaxda biçin başlanıb
Respublika mətbuatı
Qazax haqqında Ölkə rəhbərinin taxılçılığın
inkişaf etdirilməsi ilə bağlı verdiyi tapşırıq və tövsiyələr son illər Qazaxda
da uğurla icra olunur. Həm dövlət, həm də rayon rəhbərliyi tərəfindən diqqət və
qayğı, hər cür dəstəklə, texnika ilə təmin olunan fermerlər, kənd adamları
rayonda taxılçılığın inkişafına daha çox maraq göstərirlər. Bu il rayonda 11 min 395
hektar sahədə taxıl əkilib ki, onun da 6916 hektarı buğda, 4479 hektarı
arpadır. Aqrotexniki tədbirlərin vaxtında və keyfiyyətlə həyata keçirilməsinin
nəticəsidir ki, zəmilərdə bol məhsul yetişib. Artıq rayonda arpa biçininə
başlanılıb. Biçinin mütəşəkkil keçirilməsi və optimal müddətdə başa
çatdırılması, eləcə də təhlükəsizlik tədbirləri ilə bağlı bütün hazırlıq işləri
görülüb başa çatdırılıb, texnika saz vəziyyətə gətirilib. Qeyd edək ki, sahələrə
kifayət sayda kombayn cəlb edilib. İyun ayının 25-dək 4479 hektar arpa sahəsinin
440 hektarında biçin aparılıb. Yerdə qalan sahədə də biçin işləri sürətlə davam
etdirilir. Hamlet QASIMOV, "Xalq qəzeti”nin
bölgə müxbiri 26 iyun 2020-ci
il
Facebook-da paylaş