Qazax Rayon Heydər Əliyev Mərkəzində Xocalı həftəsi çərçivəsində silsilə tədbirlər davam etdirilir
Azərbaycan
Respublikasının Prezidenti İlham Əliyevin Xocalı soyqırımının 30-cu ildönümü
haqqında 28 yanvar 2022-ci il tarixli Sərəncamına əsasən Qazax Rayon Heydər
Əliyev Mərkəzində Xocalı həftəsi çərçivəsində silsilə tədbirlər davam
etdirilir. Tərtib edilmiş xüsusi Tədbirlər Planına uyğun olaraq həftə ərzində
faciənin həqiqətlərini özündə əks etdirən filmlər nümayiş olunur. Xocalı faciəsinə
həsr edilmiş kitab və şəkillərlə sərgilər təşkil edilir. "İnsanlığa qarşı törədilən
bəşəri cinayət - Xocalı soyqırımı” mövzusunda dərslər keçirilir. Şagirdlərin
iştirakı ilə ədəbi-bədii kompozisiyalarla müşayiət olunan tədbirlər keçirilir.
Rayon məktəblilərinin bu sərgiləri görməsi,
filmləri izləməsi üçün muzeyə ekskursiyaları təşkil edilir. Növbəti ekskursiya
Qazax şəhər Firuddin Şamoyev adına 4 nömrəli tam orta məktəbin müəllim və
şagirdlərinin iştirakı ilə olub. Fevralın 25-də məktəbin
ibtidai sinif müəllimləri Vüsalə Əhmədova və Afaq Xəlilovanın rəhbərliyi ilə 1-ci
və 2-ci sinif şagirdlərinin iştirakı ilə təşkil edilmiş ekskursiyada şagirdlərə
Xocalı faciəsi haqqında məlumat verilib. 2-ci sinif şagirdləri
Sona Zeynalova, Ramiz Xəliliov, Ofeliya Əmiraslanova, Səma Papaqçıyeva, Yeganə Qarayeva,
1-ci sinif şagirdləri Uğur Xəlilov, Gülüzar Məsizadə, Leyla Zeynalova, Vəsilə Abdullayeva,
Bəşir Həsənov Xocalı soyqırımına həsr olunmuş şeirlər söyləyib, ədəbi-bədii
kompozisiyalar nümayiş etdiriblər.
GOYEZEN.AZ
Facebook-da paylaş