“İnsanlığa qarşı törədilmiş bəşəri cinayət - Xocalı soyqırımı” mövzusunda tədbirlər davam etdirilir
Müasir dünya
tarixində insanlığa qarşı terror aktı kimi yaddaşlara yazılmış Xocalı faciəsinin
30-cu ildönümü ilə əlaqədar Qazax Rayon Heydər Əliyev Mərkəzinin Tədbirlər
Planına əsasən "İnsanlığa qarşı törədilmiş bəşəri cinayət - Xocalı soyqırımı” mövzusunda
tədbirlər davam etdirilir. Fevralın 24-də təşkil
edilmiş növbəti tədbirdə Bakı Dövlət Universitetinin Qazax filialının Tarix
fakültəsinin müəllimi Zeynəb Mustafayeva və IV kurs tələbələri iştirak ediblər.
Tədbir qan yaddaşımız olan Xocalı faciəsinin dəhşətlərini real kadrlarla özündə
əks etdirən "Xocalı soyqırımı - 30” filminin nümayişi ilə başlayıb.
Tələbələr muzeyi
ekskursiya edərək Heydər Əliyevin həyat və siyasi fəaliyyəti ilə də yaxından
tanış olublar. Dahi şəxisyyətin keçdiyi ömür yolu, Azərbaycanın inkişafı, müstəqilliyi
uğrunda misilsiz fəaliyyəti haqqında mühazirəni dinləyiblər. Heydər Əliyev tərəfindən
əsası qoyulmuş infrastruktur layihələrin tarixi haqqında və böyük şəxsiyyətə həsr
edilmiş kitab sərgiləri ilə tanış olublar. Daha sonra tələbələrə
Azərbaycan tarixinə ən dəhşətli və faciəli səhifələrdən biri kimi yazılmış
Xocalı faciəsi, faciənin acı fəsadları, faciə zamanı ermənilərin vəhşilik izləri,
soyqırımın beynəlxalq ictimaiyyət tərəfindən tanıdılması, faciəyə beynəlxalq
siyasi qiymətin verilməsi, soyqırıma ilk siyasi-hüquqi qiymətin verilməsi, Xocalı soyqırımının beynəlxalq aləmdə
tanıdılması prosesində Heydər Əliyev Fondunun vitse-prezidenti Leyla Əliyevanın
təşəbbüsü ilə keçirilən "Xocalıya Ədalət” kampaniyası haqqında ətraflı məlumat
verilib.
GOYEZEN.AZ
Facebook-da paylaş