17 Noyabr - Milli Dirçəliş Gününə həsr olunmuş “Xalqın azadlıq arzusu” başlıqlı dəyirmi masa keçirilib
Noyabrın
17-də Qazax Rayon Heydər Əliyev Mərkəzində 17 Noyabr - Milli Dirçəliş Günü ilə
əlaqədar "Xalqın azadlıq arzusu” başlıqlı dəyirmi masa keçirilib. Dəyirmi
masada Qazax şəhər Namiq Vəliyev adına 5 nömrəli tam orta məktəbin müəllim və
şagirdləri iştirak ediblər. Tədbir 17 Noyabr
- Milli Dirçəliş Gününə həsr olunmuş "Zəfər qoxulu Milli Dirçəliş Günü” adlı filmin nümayişi ilə başlayıb. Tədbirdə şagirdlərə Azərbaycanın Milli Dirçəliş Günü haqqında ətraflı
məlumat verilib. Ulu Öndər Heydər Əliyevin milli dövlətçiliyimizin dirçəlişi
istiqamətində atdığı addımlardan geniş bəhs olunub. Mərkəzin Baş
fond mühafizi Səidə Qocayeva bildirib ki, ötən əsrin sonlarında Sovet
imperiyasının Azərbaycana qarşı yürütdüyü ayrı-seçkilik siyasəti kəskin
xarakter aldı. Ermənistan Dağlıq Qarabağda Azərbaycana qarşı haqsız ərazi
iddialarına başladı. Ermənilərin Topxanada törətdiyi vəhşiliklər, Ağdamda soydaşlarımızın
qətlə yetirilməsi, Azərbaycan əhalisinin Ermənistandan deportasiyası milli
hərəkata vüsət verdi. Milli Azadlıq Meydanında fasiləsiz mitinqlər başlandı.
Belə bir vaxtda Ümummilli Lider Heydər Əliyev xalqın istiqlal ruhunu ölməyə
qoymadı. 1990-cı il noyabrın 17-də Naxçıvan Muxtar Respublikası Ali Sovetinin
yeni tərkibdə ilk sessiyası keçirildi. Naxçıvan Muxtar Respublikası adından "Sovet"
və "Sosialist” sözlərinin çıxarılması müstəqillik qazanılması yolunda çox böyük
tarixi addım oldu. Milli dirçəlişdən milli tərəqqiyə doğru uzanan tarixi yolun
başlanğıcı qoyuldu. Bu gün xalqımız Milli Dirçəliş Gününü möhtəşəm Qələbə ilə
qeyd edir. Qüdrətli Azərbaycan Ordusu Ali Baş Komandan İlham Əliyevin
rəhbərliyi ilə 44 günlük Vətən müharibəsində 30 illik işğala son qoydu, ərazi
bütövlüyümüzü bərpa etdi. Bu, hər bir ölkə vətəndaşı üçün
qürurvericidir. Ən əsası da xalq olaraq qazandığımız tarixi Qələbəyə, şanlı
Zəfərə görə Ali Baş Komandan İlham Əliyevə, Vətən üçün canlarından keçən şəhidlərimizə,
sağlamlığını itirən qazilərimizə borcluyuq. GOYEZEN.AZ
Facebook-da paylaş