Qazaxda “Qəhrəman gənclər” mövzusunda videokonfrans keçirilib
Fevralın 1-də Qazax Rayon Heydər Əliyev Mərkəzinin təşkilatçılığı ilə
2 Fevral - Gənclər Günü ilə əlaqədar "Qəhrəman gənclər” mövzusunda videokonfrans
keçirilib. Videokonfransda 44 günlük Vətən
müharibəsində torpaqlarımızı yağı düşməndən azad etmək üçün qəhrəmanlıqla
döyüşmüş gənclər, rayonun ictimai fəal gəncləri və məktəb
şagirdləri iştirak ediblər. İlk olaraq Vətən müharibəsində şəhid olmuş igid Vətən oğullarının əziz
xatirəsi bir dəqiqəlik sükutla yad edilib. Mərkəzin direktoru Ceyhunə Hüseynova videokonfransı giriş sözü ilə
açaraq iştirakçıları 2 Fevral - Gənclər
Günü münasibətilə təbrik edib, xoş arzularını çatdırıb. C.Hüseynova qeyd edib
ki, əsası ulu öndər Heydər Əliyev tərəfindən qoyulan gənclər siyasəti bu gün Azərbaycan
Respublikasının Prezidenti cənab İlham Əliyev tərəfindən çox uğurla davam
etdirilir. Azərbaycan gəncliyinin təhsili, dünyaya inteqrasiya etməsi, müasir
biliklərə yiyələnməsi və milli dəyərlərə sahib vətəndaş kimi tərbiyə olunması
sahəsində böyük işlər görülmüşdür. Məhz bu diqqət və qayğının sayəsində 44
günlük Vətən müharibəsində Azərbaycan gəncləri böyük qəhrəmanlıq nümayiş etdirərək
işğalda olan torpaqlarımızın düşməndən azad edilməsi uğrunda canlarını əsirgəmədən
döyüşmüş və düşməni diz çökdürmüşlər. Bu gün isə qalib ölkənin qalib gəncləri
kimi Silahlı Qüvvələrin Ali Baş Komandanı
cənab İlham Əliyevin ətrafında sıx birləşərək müstəqil Azərbaycanın daha da çiçəklənməsi
naminə yorulmadan çalışmaqdadırlar. Sonra videokonfransda iştirak edən fəal gənclər
Ülvi Zeynalov, Şəhadət Abbasov, 44 günlük Vətən müharibəsində torpaqlarımızın
bütövlüyü uğrunda şücaətlə döyüşərək yaralanmış qazi Kamil Nəsibov, könüllü
olaraq döyüşlərə qatılmış Rüfət Yarəhmədov, Bəşir Həsənov, Turan Süleymanov
çıxış edərək ölkəmizdə gənclər siyasətinin uğurla aparılmasından söz açıblar. Qalib
ölkənin qalib gəncləri kimi dövlətin və dövlət başçısının
siyasətini dəstəklədiklərini bildiriblər. Vətən, xalq, müstəqil Azərbaycan
naminə Ali Baş Komandanın ətrafında bundan sonra da bir yumruq kimi birləşəcəklərini
qeyd ediblər. GOYEZEN.AZ
Facebook-da paylaş