Mədəniyyət sahəsində çalışan işçilər də “Açıq qapı” günlərində iştirak ediblər
Azərbaycan xalqının Ümummilli Lideri, bütün dünya türklərinin əvəzsiz
şəxsiyyətlərindən biri, XX əsr dünya siyasətində xüsusi yeri olan, müstəqil Azərbaycan
dövlətinin yaradıcısı, müdrik siyasətçi və müdrik insan Heydər Əlirza oğlu
Əliyevin xalqımızın tarixi taleyində, mənəvi, siyasi və ictimai həyatında, dövlət
quruculuğunda göstərdiyi misilsiz xidmətlər qədər ikinci bir dövlət adamı
xidmət göstərməmişdir. Bu mənada O, xalqımızın iftixarı, ürəklərdə özünə yer
tapan milli liderimiz, güvənc yerimiz, qürur duyduğumuz böyük azərbaycanlı idi.
Heydər Əliyev dünyanın nadir, unikal, seçilən siyasət adamı idi. O, dünya siyasətinə
təsir etmək gücündə olan, tək Azərbaycan səviyyəsində deyil, beynəlxalq miqyasda
sözünün gücü olan lider idi. Bu gün ölkəmiz Onun apardığı siyasətin uğurlarını
hiss edir və onunla yaşayır. Bütün bu keyfiyyətləri ilə hər bir azərbaycanlının
qəlbində özünə isti yuva qurmuş Dahi insanın xatirəsi heç vaxt unudulmur, qədirbilən
Azərbaycan xalqı daim onu qürurla və məhəbbətlə anır. Qazax Rayon Heydər Əliyev Mərkəzində artıq ənənə
halını almış "Açıq qapı” günləri də məhz bu amala xidmət edir. Hər il təşkil
edilən "Açıq
qapı” günlərinin əsas məqsədi dahi şəxsiyyətin gələcək nəsillərə örnək
olan həyatını və siyasi fəaliyyətini, Azərbaycanın müstəqil və suveren dövlət
kimi tanınması üçün apardığı mübarizələri, göstərdiyi fədakarlıqları bir daha
xatırlamaq, Heydər Əliyev məfkurəsini,
müəllifi olduğu azərbaycançılıq ideologiyasını və siyasi irsini təbliğ
etməkdir. Bu məqsədlə rayonun bütün idarə, müəssisə və
təşkilatlarının kollektivləri, təhsil, mədəniyyət, səhiyyə sahəsində çalışan
işçilər, rayon məktəbliləri, ictimaiyyət nümayəndələri Ulu Öndərin adını
daşıyan parka gələrək abidəsi önünə gül dəstələri düzür, dahi şəxsiyyətin əziz
xatirəsini böyük ehtiramla anırlar. Bugünkü "Açıq qapı” günündə isə Qazax Rayon Mədəniyyət şöbəsinin,
Qazax Dövlət Dram Teatrının, Qazax Tarix-Diyarşünaslıq Muzeyinin, M.P.Vaqif və
M.V.Vidadinin xatirə Muzeyinin, Mərkəzləşdirilmiş Kitabxana Sisteminin, şəhər 1
və 2 nömrəli Uşaq Musiqi Məktəblərinin əməkdaşları müstəqil Azərbaycanın
qurucusu olan Heydər Əliyevin xatirəsini yad etmək üçün gün ərzində abidəni
ziyarət ediblər. Mərkəzin qarşısında Azərbaycan dövlətinin qurucusu və memarı olan Ulu Öndərin
həyatını və siyasi fəaliyyətini özündə əks etdirən kitab və jurnallardan ibarət "Zamanın
dühası" başlıqlı sərgi ilə tanış olublar. Ümummilli Liderin həyat və
siyasi fəaliyyətinin hər bir anını əks etdirən mühazirələr dinləyib, "Heydər Əliyev və Azərbaycan mədəniyyəti” adlı filmə baxıblar. Məlumat üçün qeyd edək ki, "Açıq qapı”
günləri dekabrın 12-dək davam edəcək. GOYEZEN.AZ
Facebook-da paylaş