Qazaxda fəaliyyət göstərən mədəniyyət müəssisələrinin işi və qarşıda duran vəzifələr müzakirə olunub
Yanvarın 25-də
Ağstafa Regional Mədəniyyət İdarəsinə Qazax rayonu üzrə tabe olan mədəniyyət müəssisələri
tərəfindən 2021-ci ildə görülmüş işlər və qarşıda duran vəzifələr müzakirə
olunub. Qazax Rayon İcra
Hakimiyyətinin başçısı Rəcəb Babaşovun,
icra aparatının məsul şəxslərinin, Ağstafa Regional Mədəniyyət İdarəsinin rəisi
Nurəddin Mehdiyevin, Ağstafa Regional Mədəniyyət İdarəsininQazax
rayonu üzrə nümayəndəsi Valeh Vəliyevin, Qazax Rayon Mədəniyyət Mərkəzinin
direktoru Zahidə Həsənovanın, Qazax Heydər Əliyev Mərkəzinin direktoru Ceyhunə
Hüseynovanın, Qazax Tarix Diyarşünaslıq Muzeyinin direktoru Gülnaz Alişanovanın,
Qazax Dövlət Rəsm Qalereyasının direktoru Münəvvər Xəlilovanın, M.P.Vaqif və
M.V.Vidadinin Xatirə Muzeyinin direktoru Məhruzə Hüseynovanın, Mərkəzləşdirilmiş Kitabxana Sisteminin direktor əvəzi
Münəvvər Süleymanlının, Qazax şəhər 1 nömrəli Uşaq Musiqi Məktəbinin
direktoru Çiçək Maşayevanın, Qazax şəhər 2 nömrəli Uşaq Musiqi Məktəbinin
direktoru Ramil Qurbanovun iştirakı ilə keçirilən iclasda yola
saldığımız 2021-ci il ərzində adları qeyd edilən mədəniyyət müəssisələri tərəfindən
görülmüş işlərə nəzər yetirilib, onlayn şəkildə keçirilmiş tədbirlərdən söhbət
açılıb. Qazax Rayon İcra
Hakimiyyətinin başçısı Rəcəb Babaşov öncə Ağstafa Regional Mədəniyyət İdarəsinin rəisi Nurəddin Mehdiyevi rəis təyin
edilməsi münasibətilə öz adından və mədəniyyət işçiləri adından təbrik edib, gələcək
işlərində uğurlar arzulayıb. Ölkə Prezidenti
cənab İlham Əliyev və Birinci vitse-prezident Mehriban Əliyeva tərəfindən mədəniyyət
sahəsinin inkişaf etdirilməsi istiqamətində görülmüş işlərdən, bu sahəyə göstərilən
dövlət qayğısından söz açan rayon rəhbəri bu qayğının Qazaxda da hiss
olunduğunu bildirib. Rayonda bütün sahələrə olduğu kimi, mədəniyyət sahəsinə də
hər zaman xüsusi diqqət və qayğı göstərildiyini qeyd edib. Fəaliyyətə başladığı
ilk gündən mədəniyyət sahəsinin, bu sahədə çalışan insanların qayğılarının daim
diqqətdə saxlanıldığını, müəssisələr tərəfindən qaldırılan hər bir məsələyə hər
zaman həssaslıqla yanaşdığını, bundan sonra da dəstək olacağını vurğulayıb. Rayon rəhbəri
pandemiya dövründən əvvəl rayonda çoxsaylı mədəni-kütləvi tədbirlərin
keçirildiyini, mədəniyyət sahəsinin inkişafı istiqamətində məqsədyönlü işlərin
görüldüyünü diqqətə çatdırıb. Bu gün pandemiya dövrü olmasına baxmayaraq tədbirlərin
onlayn şəkildə də davam etdirildiyini söyləyib. İcra başçısı
rayonda olan şəffaflığın bütün sahələri, o cümlədən də mədəniyyət
sahəsini əhatə etdiyini, bu sahədə neqativ halların aradan qaldırıldığını
vurğulayıb və bundan sonra da təmin olunacağını bildirib. "Hansı sahə
olmasından asılı olmayaraq, vətəndaş məmnunluğu əsas götürülməlidir”, - deyən icra
başçısı hər bir mədəniyyət işçisinin öz işinə məsuliyyətlə yanaşmasını, verilən
tapşırığın öhdəsindən layiqincə gəlməyə çalışmalarını bildirib. Ölkə Prezidenti
İlham Əliyevin, Birinci vitse-prezident Mehriban Əliyevanın mədəniyyət sahəsinə,
bu sahədə olan insanlara verdiyi qiyməti, göstərdikləri yüksək dövlət qayğısını
əməli işləri ilə doğrultmalarını qeyd edib. Ağstafa Regional Mədəniyyət
İdarəsinin rəisi Nurəddin Mehdiyev çıxış edərək
rayon rəhbərliyini və mədəniyyət işçilərini salamlayıb, ünvanına söylənilən təbriklərə
görə təşəkkür edib. Mədəniyyət sahəsinin inkişafı istiqamətində həyata keçirilən
tədbirlərə göstərilən dəstəyə görə minnətdarlığını bildirib. Mədəniyyət sahəsinə
olan dövlət qayğısından söz açan natiq hər bir mədəniyyət işçisinin öz işini
ölkə Prezidentinin istəyinə əsasən qurmalarını, görülmüş işlərə, atılan
addımlara əməli işləri ilə töhfə vermələrini vurğulayıb. "Mədəniyyət sahəsi yaradıcı
sahədir”, – deyən N.Mehdiyev bunun üçün çalışan hər bir işçinin öz işinə daha
ciddi şəkildə və məsuliyyətlə yanaşmalarını, mədəniyyət müəssisələrinin işlərini
günün tələbləri səviyyəsində qurmalarını, vətəndaşlara göstərilən xidmətlərin
yüksək səviyyədə olmasını bildirib. Ən əsası isə mədəniyyət sahəsində bu günə
kimi mövcud olan şəffaflığın bundan sonra da təmin edilməsini qeyd edib. Mədəniyyət
müəssisələri barədə təəssüratlarını bölüşən idarə rəisi bəzi tapşırıq və tövsiyələrini
verib. Daha sonra mədəniyyət
müəssisələrinin ötən ildə gördüyü işlər, qarşıda duran vəzifələr, həlli vacib
olan bir sıra məsələlər müzakirə edilib. Həmçinin, təmirə ehtiyacı olan mədəniyyət
müəssisələrinin mövcud vəziyyəti, bununla bağlı görülməsi nəzərdə tutulan işlər
və aidiyyəti qurumlara müraciət olunması üçün atılan addımlar barədə danışılıb. Mədəniyyət müəssisələrinin
rəhbərləri çıxış edərək mədəniyyət sahəsinə, bu sahədə çalışan
insanlara göstərilən dövlət qayğısına görə ölkə başçısına, Birinci
vitse-prezidentə və rayon rəhbərliyinə minnətdarlıqlarını bildiriblər. Ötən
müddət ərzində rəhbərlik etdikləri müəssisələrdə görülmüş işlərdən danışan
çıxışçılar bundan sonra da böyük səylə çalışacaqlarını, mədəniyyət sahəsində
olan şəffaflığın, vətəndaşlara göstərilən xidmətlərin yüksək səviyyədə olması
üçün əllərindən gələni əsirgəməyəcəklərini qeyd ediblər. GOYEZEN.AZ
Facebook-da paylaş