Qazaxda fəaliyyət göstərən mədəniyyət müəssisələrinin işi müzakirə olunub
Bu gün Ağstafa
Regional Mədəniyyət İdarəsinə Qazax rayonu üzrə tabe olan mədəniyyət müəssisələri
tərəfindən 2020-ci ildə görülmüş işlər və qarşıda duran vəzifələr müzakirə
olunub. Qazax Rayon İcra
Hakimiyyətinin başçısı Rəcəb Babaşovun,
Ağstafa Regional Mədəniyyət İdarəsinin rəisi Elbəy Əlinin, Qazax Heydər
Əliyev Mərkəzinin, Qazax Tarix Diyarşünaslıq Muzeyinin, M.P.Vaqif və
M.V.Vidadinin Xatirə Muzeyinin, Qazax Dövlət Rəsm Qalereyasının, Rayon Mədəniyyət Mərkəzinin, Mərkəzləşdirilmiş
Kitabxana Sisteminin, Qazax şəhər 1 nömrəli Uşaq Musiqi Məktəbinin,
Qazax şəhər 2 nömrəli Uşaq Musiqi Məktəbinin, Mədəniyyət İşçiləri
Həmkarlar İttifaqı Qazax Rayon Komitəsinin rəhbərlərinin iştirakı ilə yola
saldığımız 2020-ci il ərzində adları qeyd edilən mədəniyyət müəssisələri tərəfindən
görülmüş işlərə nəzər yetirilib, onlayn şəkildə keçirilmiş tədbirlərdən söhbət
açılıb. Qazax Rayon İcra
Hakimiyyətinin başçısı Rəcəb BabaşovöncəAğstafa Regional Mədəniyyət İdarəsinin rəisi Elbəy Əlini rəis təyin
edilməsi münasibətilə öz adından və mədəniyyət işçiləri adından təbrik edib, gələcək
işlərində uğurlar arzulayıb. Ölkə Prezidenti
cənab İlham Əliyev və Birinci vitse-prezident Mehriban Əliyeva tərəfindən mədəniyyət
sahəsinin inkişaf etdirilməsi istiqamətində görülmüş işlərdən, bu sahəyə göstərilən
dövlət qayğısından söz açan rayon rəhbəri bu qayğının Qazaxda da hiss
olunduğunu bildirib. Rayonda bütün sahələrə olduğu kimi, mədəniyyət sahəsinə də
hər zaman xüsusi diqqət və qayğı göstərildiyini qeyd edib. Fəaliyyətə başladığı
ilk gündən mədəniyyət sahəsinin, bu sahədə çalışan insanların qayğılarının daim
diqqətdə saxlanıldığını vurğulayıb.
Rayon rəhbəri
pandemiya dövründən əvvəl rayonda çoxsaylı mədəni-kütləvi tədbirlərin
keçirildiyini, mədəniyyət sahəsinin inkişafı istiqamətində məqsədyönlü işlərin
görüldüyünü diqqətə çatdırıb. Bu gün pandemiya dövrü olmasına baxmayaraq tədbirlərin
onlayn şəkildə də davam etdirildiyini söyləyib. İcra başçısı
rayonda olan şəffaflığın bütün sahələri, o cümlədən də mədəniyyət
sahəsini əhatə etdiyini, bu sahədə neqativ halların aradan qaldırıldığını
vurğulayıb və bundan sonra da təmin olunacağını bildirib. İcra başçısı ölkə
Prezidenti İlham Əliyevin, Birinci vitse-prezident Mehriban Əliyevanın mədəniyyət
sahəsinə, bu sahədə olan insanlara verdiyi qiymətin, göstərdikləri yüksək dövlət
qayğısının müqabilində hər bir mədəniyyət işçisinin öz işinə məsuliyyətlə
yanaşmasını, verilən tapşırığın öhdəsindən layiqincə gəlməyə çalışmalarını
bildirib. Ağstafa Regional Mədəniyyət
İdarəsinin rəisi Elbəy Əli çıxış edərək
rayon rəhbərliyini və mədəniyyət işçilərini salamlayıb, ünvanına söylənilən təbriklərə
görə minnətdarlığını bildirib. Mədəniyyət sahəsinə olan dövlət qayğısından söz
açan natiq hər bir mədəniyyət işçisinin öz işini ölkə Prezidentinin istəyinə əsasən
qurmalarını, görülmüş işlərə, atılan addımlara əməli işləri ilə töhfə vermələrini
vurğulayıb. Bunun üçün çalışan hər bir işçinin öz işinə daha ciddi şəkildə və məsuliyyətlə
yanaşmalarını, mədəniyyət müəssisələrinin işlərini günün tələbləri səviyyəsində
qurmalarını, vətəndaşlara göstərilən xidmətlərin yüksək səviyyədə olmasını
bildirib. Ən əsası isə mədəniyyət sahəsində bu günə kimi mövcud olan şəffaflığın
bundan sonra da təmin edilməsini qeyd edib. Daha sonra mədəniyyət
müəssisələrinin ötən ildə gördüyü işlər, qarşıda duran vəzifələr, həlli vacib
olan bir sıra məsələlər müzakirə edilib. Həmçinin təmirə ehtiyacı olan mədəniyyət
müəssisələrinin mövcud vəziyyəti, bununla bağlı görülməsi nəzərdə tutulan işlər
və aidiyyəti qurumlara müraciət olunması üçün atılan addımlar barədə danışılıb. Qazax şəhər 1
nömrəli Uşaq Musiqi Məktəbinin direktoru Çiçək
Maşayeva, Mərkəzləşdirilmiş Kitabxana Sisteminin direktoru Solmaz Babanlı,
Ağstafa Regional Mədəniyyət İdarəsinin Qazax rayonu üzrə nümayəndəliyinin
rəhbəri Valeh Vəliyev, MİHİ Qazax Rayon
Komitəsinin sədri İsgəndər Qurbanov və başqaları çıxış edərək mədəniyyət sahəsinə, bu
sahədə çalışan insanlara göstərilən dövlət qayğısına görə ölkə başçısına və
rayon rəhbərliyinə minnətdarlıqlarını bildiriblər. Ötən müddət ərzində
rəhbərlik etdikləri müəssisələrdə görülmüş işlərdən danışan çıxışçılar bundan
sonra da böyük səylə çalışacaqlarını, mədəniyyət sahəsində olan şəffaflığın,
vətəndaşlara göstərilən xidmətlərin yüksək səviyyədə olması üçün əllərindən
gələni əsirgəməyəcəklərini qeyd ediblər. GOYEZEN.AZ
Facebook-da paylaş