Qazaxda icra başçısı 8 Noyabr - Zəfər Günü münasibətilə “Zəfər salnaməsi” adlı tədbirin yüksək səviyyədə təşkil edilməsində göstərdikləri xidmətlərə görə bir neçə şəxsi təltif edib
Müzəffər Ali Baş Komandan İlham Əliyevin rəhbərliyi
ilə şanlı ordumuzun 44 gündə qazandığı böyük Zəfər hərb tariximizə qızıl
hərflərlə yazıldı. Vətən müharibəsində qazandığımız və bu gün də qürurla
səsləndirdiyimiz həmin tarixi Qələbə ölkə Prezidenti İlham Əliyevin "Azərbaycan
Respublikasında Zəfər Gününün təsis edilməsi haqqında” imzaladığı 3
dekabr 2020-ci il tarixli Sərəncamına əsasən 8 noyabrda ilk dəfə Zəfər
Günü kimi qeyd edildi.8 noyabrın təntənə ilə qeyd edilməsi xalqımızın qüdrətinin və milli qürurumuzun
təntənəsinə çevrilən, dövlətimizin nüfuzu və gələcək inkişafı baxımından müstəsna
əhəmiyyət kəsb edən bu misilsiz qələbənin əbədiləşdirilməsi deməkdir. Respublika
Prezidentinin Zəfər Gününün təntənəli şəkildə
qeyd edilməsi haqqında müvafiq tarixli Sərəncamından irəli gələn vəzifələr
Qazaxda da uğurla icra olundu. Həmin sərəncama uyğun olaraq Qazax rayonunda Zəfər Gününün, Vətən müharibəsinin birinci ildönümünün təntənəli şəkildə qeyd edilməsi məqsədilə Qazax Rayon
İcra Hakimiyyəti başçısının 25 oktyabr 2021-ci il tarixli 9-21/375 nömrəli Sərəncamı
ilə 6 bənddən ibarət Tədbirlər Planı təsdiq edilmişdir. "44 gündə qazanılan
tarixi Qələbə” ilə əlaqədar inşa yazı, şeir və rəsm müsabiqələrinin keçirilməsi
məqsədilə Qazax Rayon İcra Hakimiyyəti başçısının 18 oktyabr 2021-ci il tarixli
9-21/374 nömrəli Sərəncamı ilə işçi qrupu yaradılmışdır.
İnşa
yazı müsabiqəsində rayonun ümumtəhsil
məktəb şagirdləri (28 nəfər), Bakı Dövlət Universitetinin Qazax filialının tələbələri
(21 nəfər) və Qazax Dövlət Sosial-İqtisadi Kollecinin tələbələri (19 nəfər)
iştirak ediblər. Cəmi 68 nəfərin inşa yazısından 6 nəfərin inşa yazısı seçilərək
müsabiqənin qalibləri olublar. Qazax Rayon Araz
Əmilov adına Daş Salahlı kənd 1 nömrəli tam orta məktəbin 9-cu sinif şagirdi
Gülməmmədli Məlahət Kamil qızı 1-ci yerə layiq görülüb. BDU-nun
Qazax filialının Azərbaycan dili və ədəbiyyat müəllimliyi ixtisası üzrə 3-cü
kurs tələbəsi Xasayeva Gülnar Fariz qızı və Qazax Dövlət Sosial-İqtisadi
Kollecinin Sosial iş fakültəsinin 3-cü kurs tələbəsi Hüseynli Rüqayə Vüqar qızı
2-ci yeri, Qazax Rayon Saqif Nəsirov adına Ürkməzli kənd tam orta məktəbin 9-cu sinif
şagirdi Rzazadə Şəfa Nəsimi qızı, Qazax Dövlət Sosial-İqtisadi
Kollecinin Sosial iş fakültəsinin 3-cü kurs tələbəsi Həsənova Əfsanə Bəxtiyar
qızı, BDU-nun
Qazax filialının Azərbaycan dili və ədəbiyyat müəllimliyi ixtisası üzrə 3-cü
kurs tələbəsi Abdullayev Nicat Tehran oğlu 3-cü yeri qazanıblar. Şeir müsabiqəsində rayonun
ümumtəhsil məktəb şagirdləri (21 nəfər) iştirak edib ki. onlardan 6 nəfər
seçilərək müsabiqənin qalibləri olublar. Qazax şəhər
Səməd Vurğun adına 2 nömrəli tam orta məktəbin 5-ci və 2-ci sinif şagirdləri
Vəlizadə Ayan Adil qızı və Vəlizadə Bahar Adil qızı "Xudayar” adlı kompozisiya
ilə müsabiqənin birincisi olublar.
Qazax
şəhər Mehdi
Hüseyn adına humanitar və təbiət fənləri üzrə məktəb-liseyin 4-cü sinif
şagirdi Məmmədov Minur Seymur oğlu "Azərbaycan, zəfər günün mübarək” şeiri, Qazax Rayon Nizami
Hüseynov adına Aşağı Salahlı kənd tam orta məktəbin 7-ci sinif şagirdi Əliyeva
Fatimə Ramin qızı "Yallı” şeiri ilə müsabiqənin ikincisi, Qazax Rayon Rəsul Mirzəyev adına Alpout kənd
tam orta məktəbin 8-ci sinif şagirdi Musayeva Gülsarə Müşfiq qızı "Azərbaycan əsgəri”
şeiri, Qazax Rayon Mirvarid Dilbazi adına Cəfərli kənd tam orta
məktəbin 8-ci sinif şagirdi Mustafayeva Ayan Sərvaz qızı "Keşikçi” şeiri, Qazax Rayon Şəmistan
Şahvələdov adına Xanlıqlar kənd tam orta məktəbin 11-ci sinif şagirdi Məmmədli Gülcənnət
Samir qızı "Salam oğlum” şeiri ilə müsabiqənin üçüncüsü adını
alıblar. Vətən
müharibəsi şəhidlərinin portretləri üzrə keçirilən rəsm müsabiqəsi təşkil
olunub ki, müsabiqə iki yaş
kateqoriyası 10-17 və 17-29 yaş üzrə keçirilib. Müsabiqəyə ümumilikdə 89,
onlardan 10-17 yaş üzrə 87 rəsm əsəri, 17-29 yaş üzrə 2 rəsm əsəri təqdim
edilmişdir. 10-17 yaş üzrə 87 rəsm əsərindən 49-u, 17-29 yaş üzrə isə 2, cəmi
51 rəsm əsəri seçilib. Respublikamızın hər yerində olduğu kimi, 8 Noyabr -
Zəfər Günü Qazax rayonunda da silsilə tədbirlərlə qeyd olundu. Rayonda
keçirilən silsilə tədbirlərə ilk olaraq şəhərin mərkəzində yerləşən Şəhidlər
xiyabanını ziyarətlə start verildi. Torpaqlarımızın azadlığı uğrunda
canlarından keçən şəhidlərimizin əziz xatirəsi ehtiramla anıldı. Həmçinin şəhərin girişindən başlayaraq
prospekt boyunca Vətən müharibəsi şəhidlərinin xatirəsinə yaradılmış Abidə
Kompleksinin qarşısına kimi şanlı Zəfərə həsr olunmuş yürüş təşkil edildi. Şanlı Zəfərimizə həsr olunmuş ağacəkmə
aksiyası keçirildi. 8 Noyabr – Zəfər
Günü Qazaxda yüksək səviyyədə təşkil edilən "Zəfər salnaməsi” adlı tədbirlə də
yadda qaldı. Noyabrın 12-də
Qazax Rayon İcra Hakimiyyətinin başçısı Rəcəb Babaşov 8 Noyabr - Zəfər Günü
münasibətilə "Zəfər Salnaməsi” başlığı altında keçirilmiş
tədbirin yüksək səviyyədə təşkil edilməsində göstərdikləri xidmətlərə görə bir qrup şəxsi Fəxri Fərmanla təltif edib,
müsabiqə qaliblərini mükafatlandırıb. Qazax Rayon İcra
Hakimiyyətinin başçısı Rəcəb Babaşov çıxış edərək tədbirin yüksək səviyyədə təşkil olunmasına görə əziyyəti
keçən şəxslərə, eyni zamanda müsabiqədə iştirak edən hər kəsə minnətdarlığını
bildirib. Müzəffər Ali Baş Komandanın rəhbərliyi altında şanlı ordumuzun 44
günlük Vətən müharibəsində qazanadığı tarixi Qələbəni, şanlı Zəfəri qalib ölkənin
vətəndaşı olaraq qeyd etməyin qürurverici olduğunu qeyd edib. Sonra "Zəfər Salnaməsi”
başlığı altında keçirilmiş tədbirin yüksək səviyyədə təşkil edilməsində göstərdikləri
xidmətlərə görə Azərbaycan
Yazıçılar Birliyi Qazax zona filialının sədri, Əməkdar incəsənət xadimi, şair,
RİH başçısı aparatı yanında yaradılmış işçi qrupunun şeir müsabiqəsi üzrə üzvüBarat Vüsal, Uşaq-Gənclər İnkişaf Mərkəzinin direktoru, RİH başçısı
aparatı yanında yaradılmış işçi qrupunun şeir və rəsm müsabiqələri üzrə
üzvü Gövhər Rəhimova, Qazax Dövlət Rəsm
Qalereyasının müdiri, RİH başçısı aparatı yanında yaradılmış işçi
qrupunun rəsm müsabiqəsi üzrə üzvü Münəvvər Xəlilova,
Bakı Dövlət Universiteti Qazax filialında Dillər, ədəbiyyat və onların tədrisi
metodikası kafedrasının müdiri, filologiya üzrə fəlsəfə doktoru, RİH başçısı
aparatı yanında yaradılmış işçi qrupunun inşa yazı müsabiqəsi üzrə üzvü
İradə Arıxova, Qazax Dövlət Sosial-İqtisadi
Kollecində Azərbaycan dili və ədəbiyyat müəllimi, RİH başçısı aparatı yanında
yaradılmış işçi qrupunun inşa yazı müsabiqəsi üzrə üzvü Aynurə Məmmədova, Qazax şəhər Səməd Vurğun adına 2
nömrəli tam orta məktəbin Azərbaycan dili və ədəbiyyat müəllimi, RİH başçısı aparatı yanında yaradılmış işçi
qrupunun inşa yazı müsabiqəsi üzrə üzvü Afaq Məmmədova,
Qazax şəhər Mehdi Hüseyn
adına humanitar və təbiət fənləri üzrə məktəb-liseydə Azərbaycan dili və
ədəbiyyat müəllimi, RİH başçısı aparatı
yanında yaradılmış işçi qrupunun inşa yazı və şeir müsabiqəsi üzrə üzvü Nüşabə Yaqubova, Qazax Dövlət Dram Teatrında baş
rejissor, respublikanın Əməkdar artisti Musa Eyyubov, Qazax Dövlət Dram
Teatrında aktrisa, RİH başçısı aparatı yanında yaradılmış işçi qrupunun
şeir müsabiqəsi üzrə üzvü Zəmanə Dərvişova,
Qazax Dövlət Dram Teatrında aktyor Nəsimi Aşbazov, Qazax Dövlət Sosial-İqtisadi
Kollecində Meşə və meşəparkı fakültəsinin II kurs tələbəsi Nəzrin Muradova
Qazax Rayon İcra Hakimiyyəti başçısının Fəxri Fərmanı ilə təltif olunublar. İnşa
yazı müsabiqəsində I yerin sahibi Gülməmmədli
Məlahət Kamil qızına, II yerin sahibləri Xasayeva Gülnar
Fariz qızına və Hüseynli Rüqayə Vüqar qızına, III yerin sahibləri Rzazadə Şəfa Nəsimi
qızına, Həsənova Əfsanə Bəxtiyar qızına və Abdullayev Nicat Tehran oğluna hədiyyələr
təqdim edilib.
Şeir müsabiqəsində I yerə layiq görülmüş Vəlizadə
Ayan Adil qızı, Vəlizadə Bahar Adil qızı, II yerə layiq görülmüş Məmmədov Minur
Seymur oğlu, Əliyeva Fatimə Ramin qızı, III yerə layiq görülmüş Musayeva Gülsarə
Müşfiq qızı, Mustafayeva Ayan Sərvaz qızı, Məmmədli Gülcənnət Samir qızı, Zəfər
günündə şeir səsləndirən Qazax Rayon Saqif Nəsirov adına Ürkməzli tam orta məktəbin 10-cu sinif
şagirdi Vələdova Aysel Salman qızı da mükafatlandırılıblar. Rəsm müsabiqəsinin
iştirakçıları - Qazax Dövlət Rəsm Qalereyanın dərnək üzvləri Quluyev Eşqin Əmir
oğlu, Xasməmmədov Ruhin Ceyhun oğlu, Bənnayev Anar Fədai oğlu, Carçılı Ema
Ramil qızı, Qazax Rayon Uşaq-Gənclər İnkişaf Mərkəzinin dərnək üzvləri Məmmədli
Aydan Müşviq qızı, Nəsibli Zərifə İlqar qızı, Alıyeva Röya Vüsal qızı da
mükafat alanlar arasında olublar. Sonda təltif
olunanlar onlara göstərilən diqqət və qayğıya, əməklərinə verilən yüksək qiymətə
görə rayon rəhbərliyinə minnətdarlıqlarını bildiriblər.
GOYEZEN.AZ
Facebook-da paylaş