Qazaxda xüsusi karantin rejimini pozaraq toy məclisi təşkil edən şəxslər cərimə olunub
Ölkə
Prezidenti cənab İlham Əliyevin rəhbərliyi altında Azərbaycan Respublikası Nazirlər Kabineti yanında Operativ Qərargah
tərəfindən ölkə ərazisində koronavirus (COVID-19) infeksiyasının
yayılmasının qarşısını almaq məqsədilə kompleks şəkildə həyata keçirilən
tədbirlər Qazaxda da
uğurla davam etdirilir. Ölkə ərazisində xüsusi karantin rejimi
qaydalarının təmin olunması, Nazirlər Kabineti yanında Operativ Qərargahın tələb
və tövsiyələri rayonda birmənalı şəkildə icra olunur. Bu məqsədlə Qazax Rayon İcra Hakimiyyətinin, Rayon Polis Şöbəsinin
və digər qurumların əməkdaşlarından ibarət yaradılmış mobil qrup üzvləri
tərəfindən mütəmadi reydlər aparılır Rayonda
xüsusi karantin rejimi qaydalarını pozan vətəndaşlar haqqında da ciddi
tədbirlər görülür. Kafe və restoranlarda, eləcə də vətəndaşların yaşadıqları
evlərin həyətində kütləvi şəkildə toplaşaraq toy, nişan, ad günü mərasimləri
keçirmələrinin, həmçinin yas mərasimlərinin təşkil olunmasının qarşısının
alınması istiqamətində təxirəsalınmaz işlər həyata keçirilir. Oktyabrın
30-da keçirilən növbəti reydlər zamanı Qazax rayon Qazaxbəyli kənd sakini Məmmədov
Kəmaləddin Məmməd oğlunun, Yuxarı Salahlı kənd sakini Mustafayeva Nərgiz Gülməmməd
qızının, Daş Salahlı kənd sakini Osmanov Ruslan Afiq oğlunun xüsusi karantin
rejiminin qaydalarını pozaraq toy məclisi təşkil etmələri məlum olub. Hər üç toy sahibi barəsində Qazax Rayon Polis Şöbəsinin
əməkdaşları tərəfindən İnzibati Xətalar Məcəlləsinin (İXM) 211.1-ci maddəsi (Epidemiya əleyhinə
rejimin, sanitariya-gigiyena və karantin rejimlərinin pozulması) ilə protokol tərtib edilərək cərimə olunublar. GOYEZEN.AZ
Facebook-da paylaş