İcra başçısı şəhid bulağının açılışında vətənpərvərliyi ilə seçilən məktəblini qəbul edib
Bu gün rayon rəhbərliyi tərəfindən bir çox sahələrə
olduğu kimi, təhsil sahəsinə göstərilən diqqət və qayğı hər kəsə yaxşı
məlumdur. İcra başçısının rəhbər təyin olunduğu ilk gündən təhsil sahəsinə
xüsusi diqqət ayırması, müəllimlərə, şagirdlərə, xüsusi istedadı ilə fərqlənən
gənclərə hər zaman qayğı ilə yanaşması bu dediklərimizin əyani göstəricisidir. Rayon
rəhbərinin ötən gün ölümündən sonra ölkə Prezidenti İlham Əliyevin müvafiq Sərəncamlarına
əsasən "Vətən uğrunda” və "Laçının azad olunmasına görə” medalları ilə
təltif olunmuş Vətən müharibəsi şəhidi leytenant Məmmədov Məhəmməd
Zakir oğlunun adını əbədiləşdirən bulağın açılışında fəal
iştirak edən, şəhidimizə həsr olunmuş şeiri səsləndirən məktəbli Musazadə
Ayan Hüseyn qızını qəbul etməsi, onunla görüşməsi də bu qayğının bariz nümunəsidir. Mehdi Hüseyn adına
humanitar və təbiət fənləri üzrə məktəb-liseyin IV sinif şagirdi Ayan Musazadə ilə keçirilən görüş onun timsalında gələcəyimiz
olan uşaqlara göstərilən növbəti qayğıdır. Demək olar ki, rayon rəhbərliyi tərəfindən keçirilən
bu cür görüşlər artıq bir ənənə şəklini alıb. İcra
Hakimiyyətində keçirilən görüşdə icra aparatının məsul şəxsləri, Mehdi Hüseyn
adına humanitar və təbiət fənləri üzrə məktəb-liseyin direktoru Tahirə Comərdova,
məktəblimizin ibtidai sinif müəllimi Esmira Alıyeva və anası Rüxsarə Əfəndiyeva iştirak edib.
Qazax Rayon İcra Hakimiyyətinin başçısı Rəcəb Babaşov çıxış edərək Ali Baş Komandan
İlham Əliyevin əzmi, qətiyyətli mövqeyi və rəhbərliyi altında Ordumuzun
qazandığı zəfərlərin hər kəsin ürəyini, qəlbini bu gün də fərəh hissi ilə
döyündürdüyünü qeyd edib. İcra başçısı bu gün millətini, xalqını, Vətənini,
dövlətini, ölkə rəhbərini sevən hər kəsin "Qarabağ bizimdir!”,
"Qarabağ Azərbaycandır!” söylədiyini, uşağın da, böyüyün də ölkə vətəndaşı
olaraq bizi Qələbə ilə sevindirən şəhidlərimizi unutmadığını, onlarla qürur
duyduqlarını söyləyib. Qazandığımız tarixi nailiyyətə görə Ali Baş Komandana, Vətən
uğrunda sağlamlığını itirən qazilərimizə, canından keçən şəhidlərimizə borclu
olduğumuzu bir daha vurğulayıb. Rayon rəhbəri yaşının kiçik olmasına baxmayaraq
Vətənə, xalqına,dövlətinə, ölkə Prezidentinə olan
sevgisinə, şəhidlərinə olan ehtiramına görə məktəblimizi alqışlayıb, onun
vətənpərvər ruhda tərbiyə olunmasında əməyi keçən müəllimlərinə və
valideynlərinə minnətdarlığını bildirib. Valideyninə və sinif müəlliminə Ayan
balamıza verdikləri tərbiyəyə, aşıladıqları vətənpərvərlik hissinə görə
razılığını ifadə edib. İcra başçısı bildirib ki, bu gün bu gözəl balanı qəbul
etməkdə əsas məqsədim onun simasında gələcəyimiz olan uşaqlara diqqət və
qayğını göstərmək, xüsusi istedadı ilə seçilən uşaqları daha da
ruhlandırmaqdır. Nəinki Ayana, eləcə də bütün məktəblilərə daim diqqət
mərkəzində olduqlarını hər zaman hiss etdirmək lazımdır.
Mehdi Hüseyn adına
humanitar və təbiət fənləri üzrə məktəb-liseyin direktoru Tahirə Comərdova, ibtidai
sinif müəllimi Esmira Alıyeva çıxış edərək təhsil sahəsinə göstərdiyi diqqət və
qayğıya görə Respublika Prezidenti İlham Əliyevə, Birinci vitse-prezident
Mehriban Əliyevaya, eyni zamanda onlara göstərilən səmimi münasibətə görə rayon
rəhbərinə öz dərin minnətdarlıqlarını bildiriblər. Bugünkü görüşü Ayanın
timsalında bütün şagirdlərə olan qayğı kimi qiymətləndiriblər. Övladına göstərilən diqqətə və qayğıya
görə razılığını ifadə edən məktəblimizin anası Rüxsarə Əfəndiyeva ailəsi
adından rayon rəhbərliyinə təşəkkürünü çatdırıb. Sonda tədbirdəki çıxışına görə fərqlənən məktəbliyə təşəkkürünü
çatdıran rayon rəhbəri ona gələcəkdə dərslərində daha böyük müvəffəqiyyətlər
qazanmasını arzulayıb. Səmimi söhbət əsasında keçən görüşdə məktəbliyə
hədiyyə təqdim olunub və sonda xatirə şəkli çəkdirilib. GOYEZEN.AZ
Facebook-da paylaş