Prezidentə yazırlar: “Siz hər bir azərbaycanlı ailəsinin üzvüsünüz. Ata-analarımıza oğul, körpələrimizə əmi-dayı, bizlərə isə qardaşsız”
Sentyabrın 27-dən başlayan Azərbaycanın
haqq savaşı və bu savaşda şanlı Ordumuzun cəbhədə qazandıqları uğurlu nailiyyətlər,
Ermənistan silahlı qüvvələrinə vurduqları sarsıdıcı zərbələr, azad etdikləri
bir sıra yaşayış məntəqələri hər bir ölkə vətəndaşının ürəyini dağa döndərir. Hər
gün qazanılan qələbə sevinc göz yaşlarına səbəb olur. Böyük zəfəri fərəh hissi
ilə qarşılayan soydaşlarımız qələbələr münasibətilə ölkə Prezidenti, Silahlı
Qüvvələrin Ali Baş Komandanı İlham Əliyevə saysız-hesabsız məktublar ünvanlayır,
sevinclərini ürək sözləri ilə çatdırırlar. Hər kəs kimi qazaxlılar da onlara
sevinc və qürur hisslərini yaşadan Ali Baş Komandanın və şanlı Ordumuzun
yanında olduqlarını, dəstəklədiklərini bildirirlər. Təbriklərini, istəklərini də
Ali Baş Komandana ünvanladıqları məktublarda qeyd edirlər. Prezidentin
saytına ünvanlanmış təbrik və minnətdarlıq dolu növbəti məktubu təqdim
edirik. Əsəd Məcidovdan, Hörmətli
cənab Prezident, Siz hər bir
azərbaycanlı ailəsinin üzvüsünüz. Ata-analarımıza oğul, körpələrimizə əmi-dayı,
bizlərə isə qardaşsız. Sizə həsr
etdiyim şeiri icazənizlə təqdim edirəm: Aldız
üstünüzə Baş Komandanlığı, Lələ təpə
oldu düşmənə göz dağı. Ucaltdız
göylərə üçrəng bayrağı, Qardaşım,
azad et, ana torpağı! Hünərlə
yaratdın Bakı-Tbilisi-Qarsı, Böyük Türk
aləminin iki qardaşı, Allahım
qorusun İlhamı, Ərdoğanı, Olun
bir-birinin arxa-dayağı. Gərək azad
olsun türkün torpağı, Qovulsun
yurdumdan bu nankor yağı, Qardaşlar,
qaytarın o Qarabağı, Azad eləyin
siz, ana torpağı. Allah,
nəzərindən salma Qazaxı, Əsəd də
kəsəcək bir qurbanlığı, Müdrik
siyasətlə al Qarabağı, Azad et,
azad et, ana torpağı! Hörmətlə, Məcidov Əsəd Qəməd oğlu. Azərbaycan Respublikası, Qazax rayonu, Hüseynbəyli kəndi.
Facebook-da paylaş