Vətəndaşlar fərdi şəkildə qəbul edilib
Respublika Prezidenti cənab İlham Əliyevin ölkəmizdə
vətəndaşlarla bağlı verdiyi tapşırıq və tövsiyələr son 3 ildir ki, Qazaxda da ön
plana çəkilir. Rayon rəhbərliyi tərəfindən sakinlərlə keçirilən səyyar
görüşlər, görüş zamanı səslənən fikirlərə, qaldırılan məsələlərə operativ
şəkildə baxılması, vətəndaşların ərizə və müraciətlərinə əsasən fərdi şəkildə
keçirilən qəbullar da bunun bariz nümunəsidir. Qazax Rayon İcra Hakimiyyətinin başçısı Rəcəb
Babaşov bu gün də bir qrup vətəndaşı ərizələrinə və müraciətlərinə əsasən
fərdi şəkildə qəbul edib, onları narahat edən məsələləri dinləyib. Yuxarı Salahlı kənd sakinləri Mansurova Bədir Əhməd
qızı və Xəlilova Aytən Famil qızı marşrutla bağlı müraciət ediblər. Vətəndaşları
dinləyən rayon rəhbəri qaldırılan məsələnin araşdırılmasını bildirib və
aidiyyatı üzrə tapşırıq verib. Yuxarı Salahlı kənd sakini Şıxməmmədov Razim Bəziryan oğlunun
müxtəlif səpkili müraciəti də müvafiq olaraq cavablandırılıb.
GOYEZEN.AZ
Facebook-da paylaş