İcra başçısı şəhər 2 və 6 saylı körpələr evi-uşaq bağçalarında olub
Bu gün Respublika Prezidenti cənab İlham Əliyevin ölkəmizdə uşaq və yeniyetmələrlə, gənclərlə bağlı həyata keçirdiyi dövlət siyasəti uğurla icra olunur. Dövlət başçısının rəhbərliyi ilə uşaq problemlərinin həllinə yönəlmiş çoxsaylı dövlət proqramlarının qəbul edilməsi, uşaq hüquqlarının etibarlı təminat mexanizmlərinin yaradılması, hər bir sahədə geniş vüsət almış quruculuq işlərinin belə uşaqların təhsili və intellektual inkişafı istiqamətinə yönəldilməsi bir daha göstərir ki, bu sahə dövlət siyasətinin prioritet istiqamətlərindən birini təşkil edir. Əsası Ulu Öndər Heydər Əliyev tərəfindən qoyulmuş uşaq
siyasətinin ölkə başçısı və Birinci vitse-prezident Mehriban Əliyeva tərəfindən
layiqincə davam etdirilməsinin bariz nümunəsi isə son
illər respublikamızın bütün
bölgələrində yeni-yeni məktəblərin, körpələr
evi-uşaq bağçalarının inşası ilə bağlı imzalanan çoxsaylı Sərəncamlardır. Ölkə rəhbərinin regionlarda uşaq bağçalarının tikintisi
ilə bağlı tədbirlər haqqında imzaladığı 12 fevral 2018-ci il tarixli Sərəncamına
əsasən ölkəmizin hər yerində olduğu kimi Qazaxda da məqsədyönlü işlər görülür.
Rayonda uşaqlara göstərilən diqqət və qayğının əyani göstəricisi isə yeni
tikilən uşaq bağçalarının sayının ildən-ilə artmasıdır. Rayonda mövcud olan 25 körpələr
evi-uşaq bağçasından (6-sı şəhər, 19-u kənd üzrə) 21-nin müasir tələblərə cavab
verən səviyyəyə çatdırılması bu sahədə olan inkişafın göstəricisidir. Təqdirəlayiq
hal isə odur ki, Qazaxda bağça tikintisi ilə yanaşı, uşaqlara göstərilən diqqət
və qayğıya, onlara verilən ərzaqların keyfiyyətinə də xüsusi həssaslıqla
yanaşılır. Bu gün Qazax Rayon İcra Hakimiyyətinin başçısı Rəcəb
Babaşov şəhər 2 saylı uşaq bağçasında və 6 saylı körpələr evi-uşaq bağçasında
olub, körpələr üçün yaradılan şəraitlə, uşaqların davamiyyəti, tibbi müayinə
olunmaları, ərzaq təminatının mövcud vəziyyəti ilə maraqlanıb. Bəzi tapşırıq və
tövsiyələrini verib. Körpə fidanların bir-birindən maraqlı şeirlərini, mahnılarını dinləyən rayon
rəhbəri onları və bağça kollektivlərini qarşıdan gələn bayramlar münasibətilə də
təbrik edib, uğurlar arzulayıb. 2 saylı uşaq bağçasının müdiri Günel İsmayılzadə və 6
saylı körpələr evi-uşaq bağçasının müdiri Elnarə Qurbanova hazırda 31 Dekabr -
Dünya Azərbaycanlılarının Həmrəylik Günü və Yeni il münasibətilə keçirəcəkləri
yeni il şənliklərinə hazırlaşdıqlarını qeyd ediblər. Bununla bağlı bağçaların
bayramsayağı bəzədildiyini diqqətə çatdırıblar. Bağça müdirləri ölkəmizdə uşaqların sosial
müdafiəsinin gücləndirilməsi ilə bağlı göstərdiyi diqqət və qayğıya görə ölkə
başçısı İlham Əliyevə, Birinci vitse-prezident Mehriban Əliyevaya rəhbərlik
etdikləri kollektivlər və valideynlər adından minnətdarlıqlarını bildiriblər.
Rəhbər təyin olunduğu ilk gündən körpə balalara göstərdiyi səmimi münasibətə
görə rayon rəhbərliyinə sonsuz təşəkkürlərini çatdırıblar. Ölkə rəhbərinin uşaqlara olan yüksək diqqət və
qayğısını körpə balalar haqqında söylədiyi fikirlərdən də aydın şəkildə görmək
olur. "Uşaqlar cəmiyyətimizin sabahıdır. Onların qayğısız böyüməsi, yüksək
standartlara cavab verən təlim-tərbiyə və tibbi xidmətlərlə təmin edilməsi, əlverişli
sosial mühitdə fiziki və mənəvi baxımdan sağlam yetişməsi, habelə öz
istedadlarını nümayiş etdirmələri üçün zəruri şəraitin yaradılması bizim əsas məqsədlərimizdəndir.
Uşaqlarımızın hərtərəfli şəxsiyyət və ölkəmizin layiqli vətəndaşı olaraq
formalaşmaları müstəqil Azərbaycan Respublikasının dövlət uşaq siyasətinin
aparıcı istiqamətini təşkil edir”, - deyən dövlət başçısı bu siyasətin uğurla
davam etdirilməsi üçün var qüvvəsi ilə çalışır.
GOYEZEN.AZ6 saylı körpələr evi-uşaq bağçası
6 saylı körpələr evi-uşaq bağçası
2 saylı uşaq bağçası
Facebook-da paylaş