• Təqvim

  • Unutma

  • Maraq



Qazaxlı kümçülər bu günədək 6 tondan artıq yaş barama təhvil veriblər


"Azərbaycan Respublikasında baramaçılığın və ipəkçiliyin inkişafına dair 2018–2025-ci illər üçün Dövlət Proqramı”nın təsdiq edilməsi haqqında Respublika Prezidenti İlham Əliyevin 27 noyabr 2017-ci il tarixli Sərəncamı bir daha onu sübut etdi ki, ölkəmizdə qədim ənənələrə söykənən baramaçılığın və ipəkçiliyin bərpası bu gün də kənd təsərrüfatının prioritet istiqamətlərindən biri kimi götürülür.  Bu Dövlət Proqramının qəbul olunması ölkədə ipək məhsullarının istehsalı, tədarükü və emalı sahələrində sahibkarlıq fəaliyyətinin genişləndirilməsi, ənənəvi baramaçılıq rayonlarında barama istehsalının və emalının dəstəklənməsi istiqamətində zəruri tədbirlər görülməsi üçün geniş imkanlar açır.

Respublika Prezidenti İlham Əliyevin baramaçılığın və ipəkçiliyin inkişafı ilə bağlı verdiyi tapşırıq və tövsiyələr, bununla bağlı imzaladığı sərəncamlar ölkəmizin hər yerində olduğu kimi, Qazaxda da uğurla yerinə yetirilir. Son 3 ildə rayonda bu sahədə olan inkişafı ildən-ilə artan məhsulun miqdarından da aydın şəkildə görmək olar. 2016-cı ildə 1502 kq yaş barama təhvil verən qazaxlı kümçülər 2017-ci ildə bu rəqəmi 4623 kq-a çatdırıblar. 2018-ci ildə 6260 kq yaş barama istehsal olunaraq "Azəripək” ASC-yə təhvil verilib. Cari ildə isə kümçülər tərəfindən 8 ton yaş baramanın istehsalı nəzərdə tutulub.

Bu gün Qazax Rayon İcra Hakimiyyətinin başçısı Rəcəb Babaşov rayonun Aslanbəyli, Yuxarı Salahlı, Daş Salahlı  Xanlıqlar kəndlərində olub baramanın mövcud vəziyyəti ilə maraqlanıb.

Rayon rəhbərinə bildirilib ki, bu kəndlər də daxil olmaqla ümumi rayon üzrə bu günə kimi 6 tondan artıq yaş barama Qazax Dövlət Aqrar İnkişaf Mərkəzində "Azəripək” ASC-nin nümayəndəsinə təhvil verilib.

Mövcud vəziyyətlə yerində tanış olan icra başçısı bəzi tapşırıq və tövsiyələrini də verib.

21 iyun 2019-cu il tarixinə Aslanbəyli, Yuxarı Salahlı, Daş Salahlı  Xanlıqlar kəndlərində baramanın mövcud vəziyyəti

Aslanbəyli kəndi




Yuxarı Salahlı kəndi


                                                   Daş Salahlı kəndi


                                                    Xanlıqlar kəndi


GOYEZEN.AZ



Facebook-da paylaş