Qazaxda Azərbaycanda əhalinin sayının 10 milyon nəfərə çatması münasibətilə bayram tədbiri keçirilib
Xəbər verdiyimiz kimi, 2019-cu il aprelin 6-da Bakı
şəhərində Rauf Həsənovun və Nigar Ocaqovanın (Ağdərə rayon sakinləri, hazırda
Ağdam rayonunun Baş Güneypəyə kəndində qeydiyyatda olan məcburi köçkünlər)
ailəsində ölkənin 10 milyonuncu sakini dünyaya gəlib. Gənc ailənin qız
övladının dünyaya gəlməsi ilə vətəndaş sayı 10 milyon olan Azərbaycanda bu
körpənin gəlişi sevinclə qarşılanıb. Bu əlamətdar hadisə respublikamızda
silsilə tədbirlərlə qeyd olunur. Respublikamızın hər yerində olduğu kimi, Qazaxda da
Azərbaycanda əhalinin sayının 10 milyon nəfərə çatması münasibətilə bayram
tədbiri keçirilib. Tədbirdən əvvəl bu əlamətdar gün münasibətilə
təsdiqlənmiş tədbirlər planına uyğun olaraq Qazax Rayon İcra Hakimiyyəti
tərəfindən ağacəkmə kampaniyası təşkil olunub. Rayonun fəal gənclərinin
iştirakı ilə şəhərin mərkəzində yerləşən ulu öndər Heydər Əliyevin adını
daşıyan parkda şam tingləri əkilib. Sonra Rayon Mədəniyyət
Mərkəzinin qarşısında bayram tədbiri təşkil olunub. Tədbirdə Qazax Rayon
İcra Hakimiyyəti başçısının birinci müavini Məmməd Alıyev, icra aparatının məsul
şəxsləri, hüquq-mühafizə orqanlarının, idarə, müəssisə və təşkilatların rəhbərləri,
təhsil, səhiyyə, mədəniyyət işçiləri, ziyalılar, gənclər, RİHB-nin kənd İƏD-si
üzrə nümayəndələri, "Azərbaycan Respublikası Qarabağ Müharibəsi Əlilləri, Veteranları və Şəhid Ailələri” İctimai Birliyinin Qazax rayon şöbəsinin əməkdaşları,
rayon ictimaiyyətinin və KİV nümayəndələri iştirak ediblər.
Aparıcılar Akif Əmirov və Zəmanə Dərviş bayram tədbirini
açıq elan edərək bütün Azərbaycan xalqını əlamətdar hadisə münasibətilə təbrik
ediblər. Qazax Rayon İcra Hakimiyyəti başçısının
birinci müavini Məmməd Alıyev çıxış edərək tədbir iştirakçılarını salamlayıb, Azərbaycan
Respublikasının 10 milyonuncu vətəndaşının dünyaya gəlməsi münasibətilə bütün
xalqımızı səmimi qəlbdən təbrik edib, ən xoş arzularını çatdırıb. Körpənin
valideynlərinə gözaydınlığı verərək Vətəninə, xalqına, millətinə layiqli övlad
olmasını arzulayıb. Qeyd edib ki, Azərbaycan
Respublikası 1991-ci ildə dövlət müstəqilliyini bərpa etdikdən sonra iqtisadi
sahədə öz suveren hüquqlarını gerçəkləşdirməyə və müstəqil siyasət aparmağa
başlamışdır. Dövlət müstəqilliyinin bərpasından sonra ötən qısa tarixi
dövr ərzində Azərbaycan xalqının ümummilli lideri Heydər Əliyevin, bu gün isə
onun layiqli davamçısı, möhtərəm prezidentimiz İlham Əliyevin uzaqgörən
siyasəti və gərgin fəaliyyəti nəticəsində ölkəmizin sosial-iqtisadi inkişafı və
dünya təsərrüfat sisteminə inteqrasiyası sahəsində çox böyük nailiyyətlər əldə
olunmuşdur. Ölkəmiz gündən-günə inkişaf edir. Bildirib ki, son illərdə Azərbaycan əhalisinin sayı
sürətlə artır. Bu, Prezident İlham Əliyevin müdrik və uzaqgörən rəhbərliyi ilə
Azərbaycanda iqtisadi inkişaf, sabitlik və əhalinin sosial rifahının
yaxşılaşması istiqamətində görülən böyük işlərin nəticəsidir. Son vaxtlar,
xüsusən bu ilin ilk aylarında Prezident İlham Əliyevin sosial sahədə inqilabi
dəyişikliklər kimi qiymətləndirilən və hətta dünyanın inkişaf etmiş ölkələri
üçün nümunə ola biləcək islahatları əhalinin rifah halının daha da
yüksəldilməsinə böyük təkan verir. Ölkəmizdə olan bu inkişaf Azərbaycanda
əhalinin artım tempinin qorunub saxlanmasına əminlik yaradır.
Qeyd
edib ki, bütün dünyada güclü dövlət kimi tanınan Azərbaycan artıq 10 milyonluq bir
ölkədir. Bu, təkcə əhalinin say artımı deyil, eyni zamanda, ölkəmizin son dövrlərdə
olan iqtisadi inkişafı deməkdir. Birinci
müavin qeyd edib ki, bu əlamətdar hadisə ilə əlaqədar Respublika Prezidenti
İlham Əliyev və birinci xanım Mehriban Əliyeva xalqımızı, yeni doğulmuş körpənin
valideynlərini təbrik etdilər. Bu təbrik bir daha onu göstərdi ki, ölkə başçısı
və birinci xanım hər zaman Azərbaycan xalqının yanındadır. Sevincli gündə də,
kədərli gündə də daim öz vətəndaşı ilə maraqlanır, diqqət və qayğı göstərir. Bu
gün bu xoş xəbərin ölkəmizdə toy, bayram kimi yüksək səviyyədə qeyd olunması
bunu bir daha sübut edir. M.Alıyev
sonda xalqımızı, rayon sakinlərini 10 milyonuncu vətəndaşın dünyaya gəlməsi
münasbətilə bir daha təbrik edib. Sonra bayram tədbiri müğənnilər və aşıqların ifasında konsert proqramı ilə davam edib. MuğənnilərdənNəsimi Kamaloğlunun, Lütviyyə Musayevanın, Heydər Babayevin, Lalə Əliyevanın və Gültəkin Hüseynovanın, gənc
meyxanaçı Əmir Qazaxlının bir-birindən
şən mahnıları alqışlarla qarşılanıb. Aşıqlardan Camoy Qurbanovun, Yaşar Gülümcanovun, Şahin Süleymanovun sazda ifa etdikləri
qədim el havaları əsl bayram əhval-ruhiyyəsi yaradıb. Gənc rəqqasların milli rəqsləri də alqışlarla
qarşılanıb və tədbirə toplaşanlara xoş ovqat bəxş edib. 10 milyonuncu vətəndaşın dünyaya gəlməsi münasibətilə
keçirilən bayram tədbiri gənclərin təşkil etdikləri Fləshmob və əsgərlərin rəqsi ilə başa çatıb. GOYEZEN.AZ
Facebook-da paylaş