Sakinlər ölkə başçısına minnətdarlıq edirlər
Bildiyiniz kimi, vətəndaş amilinin ön planda tutulduğu Qazax rayonunda
hər bir sakin tərəfindən qaldırılan məsələyə diqqətlə yanaşılır. Onları narahat
edən qayğılar yerindəcə araşdırılır və həll olunması üçün konkret işlər
görülür. Tikinti-quruculuq işlərinin geniş vüsət aldığı rayonda
ölkə başçısının siyasətinin əsasını təşkil edən vətəndaş amilinin ön planda
olması sakinlər tərəfindən də yüksək qiymətləndirilir. Vətəndaşlara olan qayğının nəticəsidir ki,
onlar çəkinmədən öz müraciətlərini edir, ürək sözlərini çatdıra bilirlər. Bu gün Qazax Rayon İcra
Hakimiyyətinin başçısı Rəcəb Babaşov Prezident Administrasiyasının məsul işçisi
Orxan Mürsəlovla birlikdə şəhərin Vidadi küçəsi 14 ünvanında ikimərtəbəli, 1
bloklu binada yaşayan sakinlərin yazdıqları məktuba əsasən qeyd olunan ünvanda olub. Vətəndaşların
müraciətini dinləyib, mövcud vəziyyətlə əlaqədar yerində baxış keçirib. 7 ailənin yaşadığı binanın təmirə böyük ehtiyacı
olduğunu bildirən sakinlər rayonumuzda çoxmənzilli binalarda görülən işlərdən
söz açıblar. Bina sakinlərindən Zülfiyyə Salehova, Məyasə Nəsibova, Həmayə
Nəbiyeva və başqaları çıxış edərək ölkə başçısının imzaladığı 20 oktyabr 2016-cı il
tarixli Sərəncama əsasən ötən il 78 çoxmənzilli yaşayış binasının əsaslı
şəkildə təmir olunaraq sakinlərin istifadəsinə verilməsini, bu il isə daha 85
ədəd çoxmənzilli yaşayış binalarında əsaslı təmir işlərinin aparılmasını
minnətdarlıq hissi ilə qarşıladıqlarını bildiriblər. Bundan əlavə, dövlət
başçısı İlham Əliyevin respublikanın şəhər və rayonlarında çoxmənzilli
binaların dam örtüklərinin təmiri ilə bağlı əlavə tədbirlər haqqında
imzaladığı 4 oktyabr 2018-ci il tarixli Sərəncamın bu istiqamətdə
görülən işlərin uğurla davam etdirilməsi kimi qiymətləndiriblər. Təkcə bu il nəzərdə tutulan çoxmənzilli binalardan artıq 20-nin əsaslı
şəkildə təmir olunmasını vətəndaşlara göstərilən yüksək qayğının əyani təzahürü
olduğunu qeyd ediblər. Respublika Prezidentinin müvafiq Sərəncamlarına əsasən
"Hərbi şəhərcik” adlanan yaşayış massivində hərbçi ailələrinin yaşadığı
2,3,4,5 saylı, N.Nərimanov yaşayış massivində yerləşən 13,31,32,41,42,43,44,45,46,47,48
saylı, "Gillik” adlandırılan ərazidə, Ə.Şıxlinski küçəsində yerləşən hər
biri 4 blokdan, 50 mənzildən ibarət olan 4 və 5 saylı beşmərtəbəli yaşayış
binaları, Heydər Əliyev prospektində yerləşən 5 mərtəbəli, 3 bloklu, 37
mənzilli 61A nömrəli, 3 mərtəbəli, 2 bloklu, 18 mənzilli 63 nömrəli və 4
mərtəbəli, 4 bloklu, 36 mənzilli 65 nömrəli yaşayış binalarının həmin təmirli
binalar sırasında olduğunu çatdırıblar. Bina sakinləri qeyd ediblər ki, biz əminik
ki, şəhərin Azadlıq küçəsi 92 ünvanında yerləşən 4 bloklu, 5 mərtəbəli, 36
ailənin yaşadığı, Bakı küçəsi 1 ünvanında yerləşən 3 bloklu, 5 mərtəbəli,
30 ailənin yaşadığı, N.Nərimanov yaşayış massivində yerləşən, 4
bloklu, 5 mərtəbəli, 1 saylı, Ə.Şıxlinski küçəsində yerləşən, keçmiş kənd
təsərrüfatı texnikumunun yataqxanası olan, "Oxumaq-oxumaq” adlanan
binalarla yanaşı, bizim yaşadığımız bina da təmir olunacaqdır. Bina sakinləri respublikamızda,
eləcə də son 2 il 4 ayda Qazax rayonunda görülən genişmiqyaslı işlərə görə
Respublika Prezidenti İlham Əliyevə, rayon rəhbərlyinə öz dərin
minnətdarlıqlarını bildiriblər. Çıxış edənlər ölkə başçısının siyasətinin
əsasını təşkil edən vətəndaş amilinin bu gün Qazaxda olduğu kimi icra
olunduğunu qeyd ediblər. Bildiriblər ki, rayon rəhbəri fəaliyyətə başladığı ilk
gündən biz sakinlər bu diqqət və qayğını hər zaman hiss etmişik. Bu gün iş
saatının bitməsinə baxmayaraq bizim müraciətimizi nəzərə alıb görüşümüzə
gəlməyiniz, qayğılarımızla maraqlanmağınız bunun əyani sübutudur. Sakinlərin
minnətdarlıq dolu ürək sözlərini dinləyən rayon rəhbəri onlara göstərilən
diqqət və qayğının bundan sonra da yüksək səviyyədə olacağını və təmir olunan
digər binalar kimi, bu binanın da istər blokunda, istərsə də xarici fasadında
yüksək səviyyədə təmir işlərinin görüləcəyini bildirib. Sonra rayon
rəhbəri Heydər Əliyev prospekti 127 ünvanında binada yaşayan sakinlərlə də
görüşüb. Onları narahat edən qayğılarla maraqlanıb. Binanın həyətində
sakinlərlə görüşən icra başçısı rayonda təmir olunan digər binalar kimi, bu
binanın da əsaslı şəkildə təmir olunacağını, blokla yanaşı, həyətdə də abadlıq
işlərinin aparılacağını qeyd edib. Bu binada
yaşayan sakinlərdən Ərkinaz Namazova da istər respublikamızda, istərsə də Qazax rayonunda görülən genişmiqyaslı işlərə
görə Respublika Prezidenti İlham Əliyevə bütün bina sakinləri adından dərin
minnətdarlığını çatdırıb. Qeyd edib ki, bu gün biz vətəndaş olaraq
sevinirik ki, "Regionların sosial-iqtisadi inkişafı Dövlət
Proqramı”ı Qazaxda uğurla icra olunur. Rayonda aparılan abadlıq və quruculuq
işləri, xüsusilə də çoxmənzilli yaşayış binalarının əsaslı şəkildə təmir
olunması geniş vüsət alıb. GOYEZEN.AZ
Facebook-da paylaş