Fəaliyyətinin əsasını vətəndaş amili təşkil edən Qazax Rayon İcra Hakimiyyətinin başçısı Rəcəb Babaşovun vətəndaşların müraciətlərinə yerində baxış keçirməsi artıq bir ənənə halını alıb.

Rayon rəhbəri bu gün qəbul zamanı müraciət etmiş daha bir sakinin xahişini nəzərə alaraq vətəndaşın qaldırdığı məsələ ilə bağlı yerində baxış keçirib.

Natavan küçəsi, ev 1-də yaşayan sakin Quliyeva Cəmilə İsmandiyar qızının müraciətinə əsasən həmin ünvanda olub. Vətəndaşın qonşusu tərəfindən tikintiyə maneəçilik törədilməsi ilə bağlı müraciəti ilə yerində tanış olan İcra Başçısı mövcud vəziyyəti öyrəndikdən sonra heç bir tikintinin aparıla bilməyəcəyini bildirib.