“Azərbaycan Respublikası idmançılarının və idman mütəxəssislərinin təltif edilməsi haqqında” Azərbaycan Respublikası Prezidentinin 23 dekabr 2024-cü il tarixli Sərəncamına əsasən Azərbaycanda idmanın inkişafında xidmətlərinə görə bir qrup şəxs “Azərbaycan Respublikası Prezidentinin fəxri diplomu” və “Tərəqqi” medalı ilə təltif ediliblər.

Azərbaycanda idmanın inkişafında xüsusi xidmətlərinə və yüksək peşəkarlığına görə bir qrup şəxsə “Əməkdar bədən tərbiyəsi və idman xadimi” fəxri adı verilib.

Həmçinin, müvafiq Sərəncama əsasən Azərbaycanda idmanın inkişafında uzunmüddətli səmərəli fəaliyyətinə görə bir qrup şəxsə Azərbaycan Respublikası Prezidentinin fərdi təqaüdü veriləcək. 

Fərdi təqaüdə layiq görülənlər arasında həmyerlimiz, Sərbəst güləş üzrə SSRİ idman ustası, Əməkdar məşqçi, Azərbaycan Respublikasının Əməkdar bədən tərbiyəsi və idman xadimi, SSRİ birinciliklərinin mükafatçısı Tağıyev Ramiz Cahangir oğlu da var.

Ramiz müəllimi bu əlamətdar hadisə münasibətilə təbrik edir, Ona xoş arzularımızı çatdırırıq.

Ölkəmizdə idman sahəsinə, idmançılara göstərilən yüksək dövlət qayğısına görə ölkə Prezidenti İlham Əliyevə qazaxlı idmançılar və rayon ictimaiyyəti adından minnətdarlığımızı bildiririk.