Qazaxda YAP-ın yaranmasının 27-ci ildönümünə həsr olunmuş həvəskar komandalar arasında mini-futbol üzrə rayon turniri başa çatıb
Qazax Rayon Gənclər
və İdman İdarəsinin, Yeni Azərbaycan Partiyası Qazax Rayon Təşkilatının və
Qazax Olimpiya İdman Kompleksinin birgə təşkilatçılığı ilə Yeni Azərbaycan
Partiyasının yaranmasının 27-ci ildönümünə həsr olunmuş həvəskar komandalar
arasında mini-futbol üzrə rayon turniri başa çatıb. Qazax
Rayon Gənclər və İdman İdarəsinin 2019-cu ilin ikinci yarımilliyi üçün təsdiqlənmiş Tədbirlər planına uyğun olaraq, 18-21 noyabr
tarixlərini əhatə edən turnirdə idarə, müəssisə və təşkilatlardan, eləcə də müstəqil
komandalar iştirak edib. Qazax
Olimpiya İdman Kompleksində təşkil olunan yarışda 12 komandadan 120 nəfərə yaxın
futbolçu qalib adı uğrunda mübarizə aparıb. Gərgin
və maraqlı idman mübarizəsi şəraitində keçən yarışda Qazax Dövlət
Sosial-İqtisadi Kollecinin komandası qalib adını qazanıb. II və III yerlərə
müvafiq olaraq Birinci Şıxlı və Xanlıqlar kəndlərinin komandaları layiq
görülüblər. Turnirin
qalibləri və mükafatçıları YAP Qazax Rayon Təşkilatı tərəfindən kubok,
medal və müvafiq diplomlarla təltif
olunublar. Mükafatları
Qazax Rayon Gənclər və İdman İdarəsinin rəisi Vüqar Nəbiyev, rəis müavini Sahib
Namazov, YAP Qazax Rayon Təşkilatının sədri Həmid Pənahov, YAP Qazax Rayon Təşkilatı
Gənclər Birliyinin sədri Kənan Hüseynov və "Qazax Olimpiya İdman Kompleksi”
MMC-nin bədən tərbiyəsi və idman təlimatçı-metodisti Azər Əliyev təqdim ediblər.
GOYEZEN.AZ
Facebook-da paylaş