Qazaxda 15 İyun - Milli Qurtuluş Gününə həsr olunmuş futbol turnirinə yekun vurulub
Bu gün Qazax Gənclərin İnkişaf və Karyera Mərkəzinin
təşkilatçılığı ilə 15 İyun - Milli Qurtuluş Gününə həsr olunmuş 2006-2007-ci il
təvəllüdlü yeniyetmə və gənclər arasında keçirilən futbol turnirinə yekun vurulub. Qazax şəhər stadionunda keçirilən turnirin qalibi
finalda Qazax UGİM-dən olan həmyaşıdlarını 6-2 hesabı ilə məğlub edən "Ağstafa
Gəncləri-1” komandası olub. Qeyd edək ki, yarışda dörd komanda iştirak üçün
sifariş verib. İlk yarımfinal görüşündə Qazax UGİM komandası "Ağstafa
Gəncləri-2” komandasını 7-0 hesabı ilə məğlub edərək finala adını yazdırıb. Digər
yarımfinal cütlüyündə isə "Ağstafa Gəncləri-1” komandası "Qazax Gəncləri”
komandası üzərində texniki qələbə (3-0) qazanaraq finala çıxıb. Yarışın qalibi kubokla, I, II və III yerləri tutan
komandaların üzvləri isə müvafiq diplom və medallarla təltif olunublar.
GOYEZEN.AZ
Facebook-da paylaş