Gənclərin İnkişaf və Karyera Mərkəzinin Qazax nümayəndəliyinin təşkilatçılığı ilə "Diksiya Akademiyası" layihəsinə start verilib. 

Layihə çərçivəsində 21 fevral - Beynəlxalq Ana Dili Günü ilə əlaqədar "Göyəzən" kurslarının Azərbaycan dili və Ədəbiyyatı müəllimi Elvin Əskərovun "Azərbaycan dilinin düzgün təbliği" mövzusunda təqdimatı  reallaşıb. 

Təqdimat aşağıdakı başlıqları əhatə edib: 

 - Ədəbi dil anlayışı;  

 - Ədəbi dilin normaları;   

 - Gündəlik həyatda tez-tez qarşılaşdığımız qrammatik səhvlər; 

 - Fonetik normanın pozulması;

 - Leksik normanın pozulması və s.

 Diskussiya şəraitində keçən fəaliyyətdə gənclərin sualları cavablandırılıb.