Ulu Öndərə həsr olunmuş "Heydər Əliyev - 99" adlı gənclər arasında intellektual turnir keçirilib
Ulu Öndər Heydər Əliyevin
anadan olmasının 99-cu ildönümünə həsr olunmuş "Heydər Əliyev - 99"
adlı gənclər arasında intellektual turnir keçirilib. Gənclərin İnkişaf və
Karyera Mərkəzinin Qazax nümayəndəliyi, "Öyrədərək Öyrənirik” Gənclərin
İntellektual İnkişafına Dəstək İctimai Birliyi və "Qazax Gənclər Evi"
Sosial Xidmət Müəssisəsinin birgə təşkilatçılığı ilə keçirilən bilik yarışı "Nə?Harada? Nə zaman?" formatında baş tutub. İntellektual turnirdə 28
komandanın heyətində 140 gənc mübarizə aparıb. Səsləndirilən
suallara ən çox doğru cavab verən "F4T" (müstəqil) komandası
intellektual turnirin qalibi olub. Müstəqil
"Wehrmacht" komandası II, Bakı Dövlət Universitetinin Qazax
filialının "Megatron" komandası isə III yeri tutub. İlk üç
pillədə qərarlaşan komandaların üzvləri müvafiq diplomlarla təltif olunublar.
Qalib komandaya həmçinin hədiyyələr təqdim edilib. GOYEZEN.AZ
Facebook-da paylaş