Vətən müharibəsi şəhidi Elfak Daşdəmirovun doğum günündə əziz xatirəsinə həsr olunmuş intellektual yarış keçirilib
Aprelin
26-da "Qazax Gənclər evi” sosial xidmət müəssisəsinin təşkilatçılığı ilə Qazax
şəhər Səməd Vurğun adına 2 nömrəli tam orta məktəbin 6B sinif şagirdləri
arasında Vətən müharibəsi şəhidi Daşdəmirov Elfak Eltun oğlunun doğum günündə əziz
xatirəsinə həsr olunmuş intellektual yarış keçirilib.
Qəhrəman şəhidimizin vaxtilə oxuduğu məktəbdə xatirəsinə
həsr olunmuş yarışda 28 nəfər şagird iştirak edib.
Yarışı
Qazax Gənclər Evinin dərnək rəhbəri Aytən Vəlizadə açaraq şagirdləri salamlayıb,
yarış barədə ətraflı məlumat verib.
Müəssisənin
fəal könüllülərindən Aytac Cəfərova şəhidimiz haqqında şagirdlərə məlumat verərək
igid Vətən oğlunun əziz xatirəsi bir dəqiqəlik sükutla yad edilib. Olduqca
maraqlı keçən intellektual yarışda qalib olan "Vətən" komandasının üzvləri
Salehova Şəbnəm Xəyyam qızına, Oruczadə Nuray Seymur qızına, İsmayılov Mehmet
Ramin oğluna, Xanbabayev Emin Nadir oğluna hədiyyə və diplom təqdim olunub.
GOYEZEN.AZ
Facebook-da paylaş