Aprelin 21-də "Qazax Gənclər evi" sosial xidmət müəssisəsinin təşkilatçılığı ilə narkomaniya ilə bağlı film nümayiş etdirilib.

Filmdən öncə Qazax Gənclər Evinin metodisti Eynur Məmmərzəyev çıxış edərək tədbir iştirakçılarını salamlayıb, tədbirin məqsəd və əhəmiyyəti barədə danışıb.

Daha sonra müəssisənin fəal könüllülərindən olan Aytac Cəfərova çıxış edərək, narkomanlığın bu gün dünyanı narahat edən qlobal problemlərdən biri olduğunu bildirib, gənclərə mütəmadi olaraq cəmiyyətimizi, sağlam gələcəyimizi təhlükə altına salan narkotik vasitələrin səbəb olduğu fəsadlar və acı təsirləri barədə məlumat verib. Həmçinin cəmiyyətin mənəvi və əxlaqi dəyərlərinə böyük zərbə vurduğunu, sosial-iqtisadi inkişafa mənfi təsir göstərdiyini, insanların həyat və sağlamlığına ciddi təhlükə yaratdığını qeyd edib. Bu gün hər bir Azərbaycan vətəndaşının cəmiyyətimizi, xüsusilə də gənc nəsli bu bəladan xilas etmək üçün bu istiqamətdə mühüm addımlar atmalı, hamılıqla mübarizə aparmalı olduğumuzu vurğulayıb.

GOYEZEN.AZ