“Zəfər kuboku” intellektual turniri layihəsi başa çatıb
Azərbaycan Respublikasının
Qeyri-Hökumət Təşkilatlarına Dövlət Dəstəyi Agentliyinin maliyyə yardımı və
"Öyrədərək Öyrənirik” Gənclərin İntellektual İnkişafına Dəstək İctimai
Birliyinin təşkilatçılığı ilə icra olunan "Zəfər kuboku” intellektual turniri
layihəsi başa çatıb. Gənclərin İnkişaf və
Karyera Mərkəzinin Qazax nümayəndəliyinin tərəfdaşlığı ilə Qazax Gənclər Evində
keçirilən yarışın sonuncu günündə final mərhələsi baş tutub. "Breyn rinq”
formatı üzrə təşkil olunan yarışda yarımfinal mərhələsində ən çox xal toplamış
4 komanda mübarizə aparıb. Səsləndirilən 15 suala ən
çox doğru cavab verən "F4T” ("Effort” – müstəqil) komandası yarışın qalibi
adını qazanıb. Bakı Dövlət Universitetinin Qazax filialının "Scorpions”
komandası II, Qazax şəhər Mehdi Hüseyn adına məktəb-liseyin "Vadi” komandası
isə III pillədə qərarlaşıblar. Qalib komanda kubokla, I,
II, III yerləri tutan komandaların üzvləri isə müvafiq diplom və medallarla
təltif olunublar. Qeyd edək ki, layihə 01 may 2022-ci il tarixdə
yekunlaşacaq.
GOYEZEN.AZ
Facebook-da paylaş