“Yüksəliş” müsabiqəsinin İşçi Qrupu Qazaxda rayon sakinləri ilə görüşüb
Gənclərimizin
innovativ, müasir tarixin düzəninə, inkişaf tendensiyaları və reallıqlarına
uyğun şəkildə idarəetmə bacarıqlarının üzə çıxarılması və eyni zamanda həyata
keçirilməsi məqsədilə təsis edilmiş "Yüksəliş” müsabiqəsi istedadlı gənclərimiz
üçün misilsiz imkanlar yaradır. Respublika
Prezidenti İlham Əliyevin 26 iyul 2019-cu il tarixində imzaladığı Sərəncamla
intellektual səviyyəsi və idarəçilik bacarıqları yüksək olan perspektivli
rəhbər şəxslərin müəyyənləşdirilməsini, dəstəklənməsini və ölkədə kadr ehtiyatı
bankının yaradılmasını təmin etmək məqsədilə təsis olunan "Yüksəliş” müsabiqəsinin
böyük əhəmiyyəti var. Artıq
ikinci dəfə elan edilən və gənclərimizin ilk müsabiqədən həvəslənərək daha
böyük maraqla və inamla qatıldıqları növbəti müsabiqəyə start verilib. Fevralın
17-dən etibarən ikinci "Yüksəliş” müsabiqəsinin qeydiyyat mərhələsi başlayıb. Qeydiyyat
martın 31-dək davam edəcək. 21–51 yaş arasında olan, ali təhsilli, ən azı 2 il
idarəçilik təcrübəsinə malik Azərbaycan Respublikasının vətəndaşları
qeydiyyatdan keçərək müsabiqədə iştirak edə bilərlər. Qeydiyyat "Yüksəliş”
müsabiqəsinin saytı (www.yukselish.az)
vasitəsilə həyata keçirilir. "Yüksəliş”
müsabiqəsinin 20 qalibini 1 il ərzində idarəçi rəhbərlərdən - iri şirkətlərin
top-menecerlərindən və dövlət xadimlərindən fərdi karyera məsləhətləri almaq
imkanı, kadr ehtiyatı bankına daxil edilmə və 20.000 AZN dəyərində pul mükafatı
gözləyir. Martın 2-də "Yüksəliş” müsabiqəsinin İşçi Qrupu Qazax
Gənclər Evində rayon sakinləri ilə görüşüb. Qazax Rayon
Gənclər və İdman İdarəsinin təşkilatçılığı ilə təşkil edilən görüşdə müsabiqədə
iştirak etmək istəyən namizədlərə qeydiyyat mərhələsi ilə bağlı köməklik göstərilib,
müsabiqə ilə bağlı ünvanlanan suallar cavablandırılıb. Görüşdə
ümumilikdə 75 nəfər iştirak edib.
GOYEZEN.AZ
Facebook-da paylaş