“Mədəniyyət klubu”nda növbəti film müzakirəsi keçirilib
Gənclərin İnkişaf və
Karyera Mərkəzinin Qazax nümayəndəliyinin "Mədəniyyət klubu”nda növbəti film
müzakirəsi keçirilib.
Gənclər
rejissor Arif Babayevin yaradıcılığını müzakirə ediblər. Görüşdə qeyd olunub
ki, rejissorun "İnsan məskən salır" (1966), "Uşaqlığın son
gecəsi" (1970), "Gün keçdi" (1972), "Ömrün ilk saatı"
(1975), "Alma almaya bənzər" (1976), "Arxadan vurulan zərbə"
(1978), "Bizi bağışlayın" (1980), "Birisigün, gecəyarısı"
(1981) filmləri "İnsan və zaman", "Şəxsiyyət və cəmiyyət"
mövzularına həyat həqiqətləri prizmasından yanaşması ilə milli kinomuzun
incilərindən sayılır.
Klub
üzvləri bildiriblər ki, bu filmlərdə qəhrəman onu əhatə edən mühitlə, mənzərə
və musiqi ilə həmahəngdir. Filmləri tamaşaçıya yaxınlaşdıran, onun qısa
müddətdə bir müstəvidən başqasına keçidini təmin edən isə məhz rejissorun
yüksək bədii zövqüdür.
GOYEZEN.AZ
Facebook-da paylaş