Qazaxlı gənclər Xalq yazıçısı İsmayıl Şıxlının "Ölən dünyam" əsərini müzakirə ediblər
Gənclərin İnkişaf və
Karyera Mərkəzinin Qazax nümayəndəliyinin "Mədəniyyət klubu”nda növbəti kitab
müzakirəsi keçirilib. Gənclər onlayn görüşdə Xalq
yazıçısı İsmayıl Şıxlının "Ölən dünyam" əsərini müzakirə ediblər. Qeyd olunub ki, müəllif "Dəli Kür" romanını
bitirdikdən sonra bu əsər üzərində çalışmış, materiallar toplamış, lakin
mövcud şəraitə görə tarixi gerçəkliyi olduğu kimi verə bilməyəcəyini görərək bu
fikrindən daşınmışdır. İsmayıl Şıxlı növbəti dəfə müstəqillik dövründə bu
ideyasına qayıdır, özgürlüyün verdiyi imkanlardan istifadə edərək doğmalarının
fədakar yardımı sayəsində romanı yazmağa başlayır və uğurla başa çatdırır. Klub
üzvləri bildiriblər ki, "Ölən dünyam" həqiqi roman təfəkkürünün
məhsuludur. Burada hər epizod, hər təsvir, təfsilat və detal, obraz insan
xəyalını çəkib uzaqlara aparır, onun düşüncəsinin alt və üst qatlarını
oyadır.
GOYEZEN.AZ
Facebook-da paylaş