Qazaxda gənclər "VətənimİZ” layihəsi çərçivəsində Vətən müharibəsi şəhidlərinin məzarlarını ziyarət ediblər
Şəhidlərimizi tanıyaq və
tanıdaq--------------------------- Azərbaycan
Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi
ilə Azərbaycan Ordusu sentyabrın 27-dən Ermənistanın hərbi təcavüzünə cavab
olaraq işğal altında olan torpaqlarımızı azad etmək üçün genişmiqyaslı əks-hücum
əməliyyatları həyata keçirməklə yanaşı, xalqımız bütünlüklə dövlətimizin başçısının
ətrafında səfərbər oldu. Azərbaycan torpaqlarının hər qarışının azad edilməsi
uğrunda gedən döyüşlər, qüdrətli ordumuzun şanlı tarix yazaraq düşmən üzərindəki
sarsıdıcı zərbələri, eləcə də işğal altında olan şəhərlərimizin, yaşayış məntəqələrimizin,
həmçinin müxtəlif istiqamətlərdə strateji yüksəkliklərin işğalçılardan azad
edilməsi xalqımızda böyük inam və ruh yüksəkliyi yaratdı. Əldə etdiyimiz şanlı
Qələbə həm də tarixi ədalətin bərpası oldu. Rəşadətli Azərbaycan Ordusunun əsgər
və zabitləri, hərbçiləri döyüş meydanında göstərdikləri şücaətlə düşmənə
layiqli yerini göstərməklə yanaşı, dövlətimizin və ordumuzun gücünü, qüdrətini
də bütün dünyaya nümayiş etdirdi. Bu gün Azərbaycan xalqı Müzəffər Ali Baş Komandana və
onun rəhbərliyi altında bizi Zəfərlə sevindirən şanlı ordumuzun əsgərlərinə,
zabitlərinə, hərbçilərimizə, Vətən uğrunda canından keçən şəhidlərimizə, yaralı
qazilərimizə minnətdardır. 44 günlük Vətən müharibəsində Azərbaycanın hərb
tarixinə böyük Qələbəni, şanlı Zəfəri qızıl hərflərlə yazan igid Vətən
oğullarının, eləcə də torpaqlarımızın ərazi bütövlüyü uğrunda canından keçən
bütün şəhidlərimizin xatirələrini əziz tutmaq, onları yad etmək hər birimizin borcu
olmalıdır. Gənclərin İnkişaf və Karyera Mərkəzinin Qazax
nümayəndəliyinin əməkdaşları
və könüllüləri də şəhidlərimizi, qazilərimizi, onların ailələrini daim diqqətdə
saxlayırlar. Fəaliyyətə başladıqları ilk gündən ənənə halını alan bu cür
ziyarətlər bu gün də davam etdirilir. Gənclər mütəmadi olaraq, "VətənimİZ”
layihəsi çərçivəsində şəhidlərimizin məzarlarını ziyarət edir,
ailələrinə baş çəkir, onlara olan vətəndaşlıq borclarını qaytarırlar. Gənclərin İnkişaf və Karyera Mərkəzinin Qazax
nümayəndəliyinin əməkdaşları və könüllüləri bu dəfə "VətənimİZ” silsilə
fəaliyyətləri çərçivəsində İkinci Qarabağ müharibəsində qəhrəmancasına şəhid
olmuş Qazax rayonunun Xanlıqlar, Cəfərli və Sofulu kəndlərindən
olan igid Vətən oğullarının məzarlarını ziyarət ediblər. Gənclər şəhidlərimizin
məzarları üzərinə gül dəstələri qoyub, igid Vətən oğullarının ruhlarına olan
ehtiramlarını bildiriblər. "Vətən
uğrunda” və "Cəbrayılın azad olunmasına
görə” medalları ilə təltif olunmuş Xanlıqlar kənd sakini, şəhid əsgər Orucov
Elşən Ehtiram oğlunun məzarı "Vətən
uğrunda” və "Şuşanın azad olunmasına
görə” medalları ilə təltif olunmuş Xanlıqlar kənd sakini, şəhid gizir Məmmədov
Amid Müqabil oğlunun məzarı "Vətən uğrunda”, "Döyüşdə fərqlənməyə
görə” və "Füzulinin azad olunmasına görə” medalları ilə təltif olunmuş Xanlıqlar kənd sakini, şəhid
çavuş Əliyev Timur Nurəddin oğlunun məzarı "Vətən uğrunda” və "Şuşanın
azad olunmasına görə” medalları ilə təltif olunmuş
Xanlıqlar kənd sakini, şəhid əsgər
Qurbanov Elçin Məcid oğlunun məzarı "Vətən uğrunda”, "Döyüşdə fərqlənməyə görə” və "Füzulinin
azad olunmasına görə” medalları
ilətəltif olunmuş Xanlıqlar kənd sakini, şəhid leytenant Həməşəyev Qismət Oruc oğlunun məzarı "Vətən uğrunda”, "Xocavəndin azad olunmasına
görə” və "Füzulinin azad olunmasına görə” medalları ilə təltif olunmuş Cəfərli kənd sakini, şəhid leytenant Nəsibov Nicat Qəşəm oğlunun məzarı "Vətən
uğrunda”, "Cəbrayılın azad olunmasına görə” və "Füzulinin
azad olunmasına görə” medalları ilə təltif olunmuş Sofulu kənd sakini, şəhid gizir İsmayılov Tahir
Niyazi oğlunun məzarı GOYEZEN.AZ
Facebook-da paylaş