Qazaxda “Aprel qəhrəmanları” başlığı altında onlayn tədbir keçirilib
Bu gün Qazax Rayon Gənclər və İdman İdarəsi və Qazax Dövlət
Sosial-İqtisadi Kollecinin birgə təşkilatçılığı ilə "Aprel qəhrəmanları”
başlığı altında onlayn tədbir keçirilib. Qazax Rayon Gənclər və İdman İdarəsinin rəisi Vüqar Nəbiyev giriş
sözü ilə çıxış edərək tədbir iştirakçılarını salamlayıb, keçirilən tədbirin məqsəd
və əhəmiyyətindən danışıb. Ümumilikdə 83 nəfərin iştirak etdiyi onlayn tədbirdə əvvəlcə Aprel döyüşləri zamanı şəhid olmuş Qazax rayonunun Fərəhli kəndindən
kapitan Orucov Mühüd Qurban oğlunun, Yuxarı Salahlı kəndindən baş leytenant
Namazov Elvin Məmməd oğlunun və Aslanbəyli kəndindən əsgər Əliyev Orxan Məhəmməd
oğlunun, eləcə də Vətən
uğrunda canından keçən bütün şəhidlərimizin əziz xatirəsi bir dəqiqəlik sükutla
yad edilib. V.Nəbiyev çıxış edərək qeyd edib ki, aprel ayının 1-dən 2-nə keçən
gecə Azərbaycanın ön xətt mövqeləri
və yaşayış məntəqələri Ermənistan silahlı qüvvələri tərəfindən intensiv
artilleriya atəşinə məruz qalanda ordumuzun bölmələri əks-həmlə hücumu ilə təxribatların
qarşısını aldı və döyüşlər Azərbaycan Ordusunun qələbəsi ilə nəticələndi. Tərtər
rayonunun Talış kəndi ətrafındakı yüksəkliklər, Cəbrayıl rayonunun Lələtəpə
yüksəkliyi və Cocuq Mərcanlı, Goranboy rayonunun Gülüstan kəndi və Tərtər
rayonunun Madagiz kəndi istiqamətində bəzi mövqelər düşməndən azad olundu. Bu Aprel
döyüşləri kimi tarixə düşdü və bu hadisə qələbə zəfərimizin başlanğıcı oldu. V.Nəbiyev bildirib ki, Aprel döyüşləri Azərbaycanın
hərb salnaməsinə qızıl hərflərlə yazılan Şanlı Vətən müharibəsində Böyük Qələbəyə
gedən yolda mühüm əhəmiyyət kəsb etdi. Beş il əvvəl bu döyüşlərdə düşmən üzərində
qazanılan hərbi uğurlar Azərbaycan Ordusunun və xalqının Böyük Qələbəyə inamını
və əzmini daha da artırmaqla yanaşı, Ordumuzun şəxsi heyəti üçün mühüm sınaq və
döyüş təcrübəsi oldu. Məhz bu təcrübəni İkinci Qarabağ müharibəsində uğurla tətbiq
edən rəşadətli Azərbaycan Ordusu düşmənə qəti zərbə vuraraq torpaqlarımızı işğaldan
azad etdi. Qürurverici hal ondan ibarətdir ki, Silahlı Qüvvələrin Müzəffər Ali
Baş Komandanı İlham Əliyevin rəhbərliyi altında Böyük Qələbəni cəmi 44 gündə
qazanaraq, Azərbaycanın ərazi bütövlüyünü təmin edən Şanlı Ordumuzun Vətən
müharibəsində tətbiq etdiyi ən müasir döyüş taktikası və mühüm yeniliklər
dünyanın qabaqcıl orduları tərəfindən dərindən öyrənilir və təqdir olunur.
Sonra Qazax Rayon Gənclər və İdman İdarəsinin rəis müavini Sahib Namazov, Qazax
Dövlət Sosial-İqtisadi Kollecinin Monitorinq və Qiymətləndirmə şöbəsinin
müdiri, Tələbə Gənclər Təşkilatının sədri Elvira Əfəndiyeva, Kollecin müəllimi
Tərlan Bədəlova, Səfərbərlik və Hərbi Xidmətə Çağırış üzrə Dövlət Xidmətinin
Qazax Rayon Şöbəsinin müfəttişi Elmar Məmmədov, Qazax Rayon Gənclər və İdman İdarəsinin könüllüsü Şəhadət Abbasov, Qazax
Dövlət Sosial-İqtisadi Kollecinin tələbələri Ruhəngiz Yusifova və Tutu Qocayevamövzu ətrafında çıxış ediblər. Bu gün hər bir azərbaycanlının beş il əvvəl
Lələtəpədə ucaldılan üçrəngli bayrağımızın artıq işğaldan azad edilən Şuşada və
digər ərazilərimizdə dalğalanmasından sonsuz qürur hissi duyduqlarını bildiriblər.
Bu qüruru bizə yaşadan Müzəffər Ali Baş Komandana və Rəşadətli Azərbaycan
Ordusuna minnətdar olduğumuzu bir daha diqqətə çatdırıblar. Sonda Qazax Dövlət
Sosial-İqtisadi Kollecinin tələbəsi Məleykə Alməmmədova şəhidlərə həsr edilmiş
şeir söyləyib.
GOYEZEN.AZ
Facebook-da paylaş